දශකයකට පසු ඇතිවන ප්රබලම එල්-නිනෝ තත්ත්වයක බලපෑමක් ඉදිරියේ දී
1 min read
දශකයකට පසු ඇතිවන ප්රබලම එල්-නිනෝ තත්ත්වයක බලපෑමක් ඉදිරියේ දී එල්ල වීමේ හැකියාවක් පවතින බවට එක්සත් ජාතීන්ගේ කාලගුණවිද්යා ඒජන්සිය අනතුරු අඟවා තිබේ.
මෙරට කාලගුණවිද්යා දෙපාර්තමේන්තුවද පවසන්නේ මේ හේතුවෙන් ජූලි – අගෝස්තු මාසවලදී ශ්රී ලංකාවට නියං තත්ත්වයක් ඇති වීමේ ඉඩක් ඇති බවය.
එල්-නිනෝ තත්ත්වයක් යනු පැසිෆික් සාගරයේ මතුපිට ජලයේ උෂ්ණත්වය සාමාන්ය ප්රමාණයට වඩා ඉහළ යාමෙන් ලොව පුරා කාලගුණ රටාවන්හි විශාල වෙනස්කම් ඇති කරන ස්වභාවික සංසිද්ධියක්ය.
එහි ප්රතිඵලයක් ලෙස නැගෙනහිර දෙසින් හමන වායු දහරා, උණුසුම් ජල රැලි ආසියානු කලාපය දෙසට යොමුකිරීම සඳහා බලපෑම් එල්ල කරන අතර, අදාළ කාලසීමාව තුළ වායුගෝලීය උෂ්ණත්වය සාමාන්ය අගයට වඩා ඉහළයෑමක් සිදුවේ.
මෙම එල්-නිනෝ තත්ත්වය හේතුවෙන් ශ්රී ලංකාව, ඉන්දියාව, ඔස්ට්රේලියාව වැනි කලාපවලට සාමාන්ය වර්ෂාපතනය අඩුවී දරුණු නියං තත්ත්වයක් ඇති වීමේ හැකියාවක් පවතී.
එහි තවත් ප්රතිඵයක් ලෙස පැසිෆික් සාගරයට යාබද උතුරු හා දකුණු අමෙරිකානු මහාද්වීප රටවලට අධික වර්ෂාව, ගංවතුර සහ නායයෑම් වැනි තත්ත්වයන්ට මුහුණදීමට සිදුවේ.
ඒ අනුව එක්සත් ජාතීන්ගේ කාලගුණවිද්යා ඒජන්සිය අනාවැකි පළ කරන්නේ, මෙම වසරේ ජුනි සිට අගෝස්තු දක්වා කාලය තුළ එල්-නිනෝ තත්ත්වයක් ඇති විය හැකි බවටය.
මෙම එල්-නිනෝ තත්ත්වය මෙම වසරේ නොවැම්බර් මාසය දක්වා වුවද, පැවතීමට ඉඩ ඇති බව එම සංවිධානය නිකුත් කළ වාර්තාවල සඳහන්ය.
කෙසේවෙතත් ශ්රී ලංකාවට මෙහි බලපෑම ලබන වසරේ පෙබරවාරි මාසය දක්වා වුව පැවතිය හැකි බවට සැකපළ කරයි.
මෙම එල්-නිනෝ තත්ත්වයකින් සිදුවන්නේ කාලගුණික බලපෑම් පමණක් නොවේ.
එක්සත් ජාතීන්ගේ කාලගුණවිද්යා ඒජන්සිය පෙන්වා දෙන්නේ, එහි බලපෑම හේතුවෙන් 2026 වසරේ දෙවන භාගයේදී ආසියාව පුරා බෝග සහ ආහාර සැපයුම්වලට දැඩි හානි සිදුවිය හැකි බවය.
ඉරාන යුද්ධය හේතුවෙන් පවතින පොහොර හිඟය සහ ඉන්ධන මිල ඉහළ යාම නිසා දැනටමත් පීඩා විඳින ගොවීන්ට මේ හේතුවෙන් දැඩි අහිතකර ප්රතිවිපාකවලට මුහුණදීමට සිදුවිය හැකිය.
