උතුරට සහ නැගෙනහිරට එල්-නිනෝ ඇරඹේ…
1 min read
ඉදිරි අගෝස්තු, සැප්තැම්බර් සහ ඔක්තෝබර් මාසවලදී මෙරටට අතිප්රබල එල්නිනෝ තත්ත්වයක් බලපෑ හැකි බව කාලගුණ විද්යා දෙපාර්තමේන්තුව අනතුරු අඟවයි.
එම දෙපාර්තමේන්තුවේ අධ්යක්ෂ ජනරාල් අජිත් විජේමාන්න මහතා පෙන්වා දෙන්නේ එවැනි තත්ත්වයක් ඇති වීමේ සම්භාවිතාව සියයට 81ක් වැනි ඉහළ අගයක පවතින බවයි.
මධ්යම සහ නැගෙනහිර පැසිෆික් සාගරයේ උෂ්ණත්වය සාමාන්ය මට්ටමට වඩා ඉහළ යාම මෙම තත්ත්වයට ප්රධාන හේතුව වී තිබේ.
මෙහි බලපෑම ශ්රී ලංකාවේ උතුරු සහ නැගෙනහිර පළාත්වලට මෙන්ම බණ්ඩාරවෙල වැනි ප්රදේශවලට ද දැනටමත් දැනෙමින් පවතින බව වාර්තා වේ.
විශේෂයෙන්ම අගෝස්තු මාසයේදී දිවයිනේ අවම සහ උපරිම උෂ්ණත්වය යන දෙකම ඉහළ යා හැකි බව අධ්යක්ෂ ජනරාල්වරයා සඳහන් කරයි.
මේ හේතුවෙන් දහවල් කාලයේදී පමණක් නොව, රාත්රී කාලයේදී ද ජනතාවට අධික රස්නයක් සහිත අපහසුතාවලට මුහුණ දීමට සිදු වනු ඇත.
පවතින වියළි කාලගුණය සහ අධික උෂ්ණත්වය හමුවේ අනුරාධපුර සහ රත්නපුර දිස්ත්රික්කවල ලැව්ගිනි (Wildfires) ඇති වීමේ දැඩි අවදානමක් පවතින බව ද කාලගුණ විද්යා දෙපාර්තමේන්තුව පවසයි.
මේ වන විටත් දිවයිනේ ප්රදේශ කිහිපයකින් වනාන්තර ගිනි ගැනීම් වාර්තා වී ඇති අතර, ඒ පිළිබඳව දැඩි අවධානයෙන් පසුවන ලෙස වන සංරක්ෂණ දෙපාර්තමේන්තුව මහජනතාවගෙන් ඉල්ලා සිටියි.
