මාලිමාවේ එප්පාවල සමූප බලකොටුවත් බිඳවැටෙයි.. – පොදු විපක්ෂයට ජය..
1 min read
එප්පාවල විවිධ සේවා සමූපකාර සමිතියේ මහා සභා නියෝජිතයින් තෝරා පත්කර ගැනීම සඳහා ඊයේ (12) පැවති නිලවරණයෙන් මෙතෙක් බලය හෙබවූ ජාතික ජන බලවේගය පරාජයට පත්කරමින් පොදු විපක්ෂය ජයග්රහණය කර තිබේ.
ඒ අනුව මහා සභා නියෝජිතයින් 113 දෙනෙකු තෝරා පත්කර ගැනීම සඳහා පැවති මෙම නිලවරණයේදී ඒකාබද්ධ විපක්ෂය නියෝජිතයින් 59 දෙනෙකු ජයග්රහණය කර ඇති අතර, මාලිමාව නියෝජනය කළ කණ්ඩායමට නියෝජිතයින් 53 දෙනෙකු හිමිව තිබේ.
එප්පාවල විවිධ සේවා සමූපකාර සමිතියට අයත් ප්රාදේශික 13ක් ආශ්රිතව ඊයේ පෙරවරු 9.00 සිට ඡන්ද විමසීම සිදු කර ඇති බවට වාර්තා වේ.
එමෙන්ම, මෙවර නිලවරණයේදී සමූපකාරයේ බලය හෙබවූ ජාතික ජන බලවේගය එක් කණ්ඩායමක් ලෙස තරග කර ඇති අතර, සමගි ජන බලවේගය, ශ්රී ලංකා පොදුජන පෙරමුණ, ශ්රී ලංකා නිදහස් පක්ෂය සහ එක්සත් ජාතික පක්ෂය ඇතුළු පක්ෂ නියෝජනය කරන කණ්ඩායම් ඒකාබද්ධ විපක්ෂය ලෙස තරග කර තිබේ.
ජයග්රහණයෙන් අනතුරුව ඒකාබද්ධ විපක්ෂයට සහය දැක්වූ ආධාරකරුවන් රතිඤ්ඤා දල්වමින් සිය ජයග්රහණය සැමරූ බවද වාර්තා වේ.
