ඉතාලියේ පාසල් තුළ බුර්කාව, නිකාබය තහනම් කෙරේ..
1 min read
ඉතාලියේ පාසල් පරිශ්ර තුළ සිසුන් නිවැරදිව හඳුනාගැනීමේ ගැටලු නිරාකරණය කිරීම සහ ජාතික ආරක්ෂාව තහවුරු කිරීම අරමුණු කරගනිමින්, බුර්කාව සහ නිකාබය පැළඳීම තහනම් කිරීමට අග්රමාත්ය ජෝර්ජියා මෙලෝනිගේ රජය පියවර ගෙන තිබේ.
කෙසේ වෙතත්, මුහුණ නිරාවරණය වන හිජාබය පැළඳීමට මෙයින් කිසිදු බාධාවක් නොවන අතර, මෙම නව නියෝගය උල්ලංඝනය කරන්නන්ට යුරෝ 1,000 දක්වා (ශ්රී ලංකා රුපියල් ලක්ෂ තුනකට අධික) දඩ මුදල් පැනවීමට ද ප්රතිපාදන සලසා ඇත.
අග්රමාත්යවරිය පෙන්වා දෙන්නේ බලහත්කාරයෙන් මුහුණු ආවරණය කිරීමට සිදුවීමෙන් කාන්තාවන්ගේ හා දැරියන්ගේ මූලික අයිතිවාසිකම් කඩවන බවයි.
මීට අමතරව සංක්රමණික සිසුන් සමාජගත කිරීම පහසු කිරීම සහ පන්ති කාමර තුළ හුදෙකලා කණ්ඩායම් නිර්මාණය වීම වැළැක්වීම සඳහා, පාසල්වල පළමු වසරට ඇතුළත් කරගන්නා ඉතාලි පුරවැසිභාවය නොමැති සිසුන් සංඛ්යාව 30%ක උපරිම සීමාවක පවත්වා ගැනීමට ද තීරණය කර ඇත.
යුරෝපා පුරා ක්රියාත්මක වන මෙවැනි නීතිමය මර්දනයන්ගේ දිගුවක් ලෙස සම්මත කරගත් මෙම විශේෂ නියෝගය ඉදිරි දින 60 ඇතුළත ඉතාලි පාර්ලිමේන්තුවේ අනුමැතිය ලබා ගැනීමට නියමිතය.
