අමිතාබ්ගේ බ්ලොග් සටහන… රසික සිත් කැළඹයි
1 min read
ඉන්දීය සිනමාවේ ප්රවීණ නළු Amitabh Bachchan සිය බ්ලොග් අඩවියේ පළ කළ සටහනක් හේතුවෙන් ඔහුගේ සෞඛ්ය තත්ත්වය පිළිබඳව bබොලිවුඩ් රසිකයන් අතර දැඩි කනස්සල්ලක් මතුකර ඇත.
83 හැවිරිදි බච්චන් මහතා රෝහල්ගත කිරීම, ශල්යකර්ම, දැඩි සත්කාර ඒකකයේ ප්රතිකාර සහ සුවය ලැබීමේ දුෂ්කර ක්රියාවලිය පිළිබඳව ලියා තිබුණද, එය ඔහුගේම මෑත සෞඛ්ය අත්දැකීමක්ද නැතහොත් සාමාන්ය අත්දැකීමක් මත පදනම් වූ අදහසක්ද යන්න පැහැදිලි කර නොමැත.
ඔහුගේ හැඟීම්බර සටහනේ අවධානය යොමු කර තිබුණේ රෝහලෙන් නිදහස් වීමෙන් පසු නැවත සාමාන්ය ජීවිතයට පැමිණීම බොහෝ විට ප්රතිකාර ක්රියාවලියට වඩා අභියෝගාත්මක විය හැකි ආකාරය පිළිබඳවය.
සුවය ලැබීමේ කාලය තුළ මුහුණ දීමට සිදුවන ශාරීරික වේදනාව, මානසික පීඩනය සහ චිත්තවේගීය අරගල පිළිබඳවද ඔහු සිය සටහනෙන් අදහස් පළ කර තිබේ
බච්චන් මහතා සිය බ්ලොග් සටහනේ සඳහන් කර ඇත්තේ, රෝහලකදී ශල්යකර්මයකින් පසු දක්ෂ වෛද්යවරුන් සහ වෛද්ය කාර්ය මණ්ඩලයේ රැකවරණය යටතේ සිටීමෙන් අනතුරුව නිවසට පැමිණීම සුවය ලැබීමේ වඩාත්ම අසීරු අවධියක් විය හැකි බවය.
ජීවිතයේ දුෂ්කර අවස්ථාවලදී සමහරු ධෛර්යයෙන් සටන් කරන අතර තවත් සමහරු තත්ත්වයට අනුගත වෙමින් ඉදිරියට යන බව ද ඔහු සඳහන් කර තිබේ..
එම තේරීම් දෙකම පුද්ගලයාගෙන් පුද්ගලයාට වෙනස් වන අතර ඒවා වැරදි හෝ නිවැරදි ලෙස සරලව විනිශ්චය කළ නොහැකි බවද ඔහු පවසයි.
අවසානයේ ඔහු සිය රසිකයන්ට “හොඳින් සිටින්න, සතුටින් සිටින්න” යන පණිවිඩය ලබා දී තිබේ.
