ඉන්දියාවටත් ඉබෝලා එයි?
1 min read
ඉබෝලා ආසාදනය වී ඇති බවට සැක කෙරෙන උගන්ඩා ජාතික කාන්තාවක් ඉන්දියාවේ බැංගලෝර් තාක්ෂණික මධ්යස්ථානයේ නිරෝධායනය කර ඇති බව ඉන්දීය මාධ්ය වාර්තා කර තිබේ.
මෙම කාන්තාවට ඉබෝලා ආසාධනය වී ඇති බවට තහවුරු වුවහොත් එය 2014න් පසු දකුණු ආසියාතික රටකින් වාර්තා වන පළමු ඉබෝලා ආසාදිතයා විය හැකි බවද වාර්තා වේ.
ලෝක සෞඛ්ය සංවිධානය විසින් ජාත්යන්තර අවධානයට ලක්විය යුතු මහජන සෞඛ්ය හදිසි තත්ත්වයක් ලෙස ප්රකාශයට පත් කර ඇති මෙම රෝගය වැළඳුණු කිසිදු රෝගියෙකු ඉන්දියාවෙන් වාර්තා වී නොමැති බව එරට සෞඛ්ය අමාත්යශය ප්රකාශ කර දිනකට පසුව මෙම පුවත වාර්තා වී ඇති බවද සඳහන්.
28 හැවිරිදි මෙම උගන්ඩා ජාතික කාන්තාවට සුළු ඇඟපතේ වේදනාවක් හටගෙන ඇති නමුත් ඇය සාමාන්ය සෞඛ්ය තත්ත්වයෙන් පසුවන බවත්, ඇයගෙන් ලබාගත් සාම්පලවල පරීක්ෂණ වාර්තා මේ වන තෙක් ලැබී නොමැති බවත් සඳහන් වේ.
නැගෙනහිර අප්රිකානු රටේ සිට පැමිණ ඇති මෙම සංචාරක කාන්තාව අහමදාබාද් සිට දකුණු දිග බැංගලෝර් නගරය වෙත පැමිණ තිබේ.
විදෙස් මාධ්ය වාර්තා කළේ ඉන්දියාව විසින් මේ වන විට ගුවන් තොටුපළ සහ අනෙකුත් ඇතුළුවීමේ ස්ථානවලදී පරීක්ෂාවන් සහ නිරීක්ෂණ පියවරයන් ආරම්භ කර ඇති අතර ඒ සම්බන්ධයෙන් උපදෙස් මාලාවන් ද නිකුත් කර ඇති බවය.
කොංගෝව, උගන්ඩාව සහ දකුණු සුඩානය යන රටවල් වෙත අත්යවශ්ය නොවන සංචාරවලින් වැළකී සිටින ලෙස ද ඉන්දියාව මේ වන විට තම පුරවැසියන්ගෙන් ඉල්ලා ඇත.
කෙසේවෙතත් මේ හේතුවෙන් නව දිල්ලියේ පැවැත්වීමට නියමිතව තිබූ ‘ඉන්දියා-අප්රිකා සංසද සමුළුව’ ද කල් දමා ඇත.
ලෝක සෞඛ්ය සංවිධානය විසින් ගෝලීය වශයෙන් සැක සහිත රෝගීන් 900කට වැඩි පිරිසක් අතුරින් 101දෙනෙකුට Bundibugyo නමැති වෛරස් ප්රභේදය වැළඳී ඇති බවට තහවුරු කර ඇති අතර, ඒ සඳහා මෙතෙක් අනුමත කරන ලද එන්නතක් හෝ ප්රතිකාරයක් ද නොමැති බව සඳහන්.
