රුසියාවේ තෙල් පිරිපහදුවකට ඩ්රෝන ප්රහාරයක්..
1 min read
රුසියාවේ තටාර්ස්තාන් ප්රදේශයේ තෙල් පිරිපහදුවක් පිහිටා ඇති නිශ්නෙකාම්ස්ක් නගරයේ කාර්මික සහ සිවිල් ඉලක්ක වෙත යුක්රේනය එල්ල කළ ඩ්රෝන ප්රහාරයකින් අවම වශයෙන් පුද්ගලයින් 12 දෙනෙකු මියගොස් 39 දෙනෙකු තුවාල ලබා ඇති බව එම නගරයේ නගරාධිපති රද්මීර් බෙලියාව් පවසයි.
විවිධ රුසියානු මාධ්ය වාර්තා වලට අනුව, රුසියාවේ වඩාත්ම තාක්ෂණිකව දියුණු තෙල් පිරිපහදුවක් වන මෙම කලාපයේ තෙල් පිරිපහදුව ප්රහාරයට ලක්ව ඇති බව සඳහන්.
සමාජ මාධ්යවල පළ වූ තහවුරු නොකළ වීඩියෝවල, තෙල් පිරිපහදුවක් යැයි සැලකිය හැකි ස්ථානයකින් දුමාරයක් නැඟෙන අයුරු දැකගත හැකි බවයි රොයිටර්ස් පුවත් සේවය පවසන්නේ.
පසුගිය ජුනි මාසයේ මුල් භාගයේදී ද යුක්රේනය ප්රහාර එල්ල කළ Tatneft හි TANECO පිරිපහදුව 2024 වසරේදී බොරතෙල් ටොන් මිලියන 17ක් පිරිපහදු කර ඇති අතර, ගැසොලින් ටොන් මිලියන 2.7ක් සහ ඩීසල් ඉන්ධන ටොන් මිලියන 8.5ක් නිෂ්පාදනය කර ඇති බවත් වාර්තා වේ.
කෙසේ වුවද යුක්රේනය මෑත මාසවලදී රුසියානු තෙල් පිරිපහදු වෙත ප්රහාර දියත් කර ඇති අතර එමඟින් රුසියාවේ බොහෝ ප්රදේශවල ඉන්ධන හිඟයක් ඇති වී තිබුණද බලධාරීන් පවසන්නේ එම මූලික ගැටළු බොහොමයක් මේ වන විට විසඳී ඇති බවයි.
