දැඩි මුදල් ප්රතිපත්ති හමුවේ බැංකුවල ණය ලබාදීමේ වර්ධනය මන්දගාමී වෙලා..
1 min read
2026 වසරේ දෙවන කාර්තුවේදී ශ්රී ලංකාවේ බැංකු ක්ෂේත්රයේ ණය ලබාදීමේ ප්රවණතාව ඉහළ ගියද, පළමු කාර්තුවට සාපේක්ෂව එහි වර්ධන වේගය මන්දගාමී වී ඇති බව ශ්රී ලංකා මහ බැංකුවේ නවතම ණය සැපයුම් සමීක්ෂණයෙන් අනාවරණ වේ.
පසුගිය මැයි මාසයේදී සිදුකළ මුදල් ප්රතිපත්ති දැඩි කිරීම මීට ප්රධාන වශයෙන් බලපා ඇත.
ආර්ථිකයේ ස්ථාවරත්වය, යහපත් ද්රවශීලතාව සහ වත්කම්වල ගුණාත්මකභාවය ඉහළ යාම නිසා සිල්ලර, ආයතනික, කුඩා හා මධ්ය පරිමාණ (SME) සහ රාජ්ය ව්යවසාය (SOE) යන සියලු අංශවලට ණය දීමට බැංකු දක්වන කැමැත්ත වැඩි වී තිබේ. කෙසේ වෙතත්, උද්ධමනය, මෙහෙයුම් පිරිවැය ඉහළ යාම සහ විනිමය අනුපාතවල අස්ථාවරත්වය හේතුවෙන් ඉදිරි තුන්වන කාර්තුවේදී ණය ලබාදීමේ වේගය තවදුරටත් මන්දගාමී වනු ඇතැයි බැංකු පුරෝකථනය කරයි.
මේ අතර, කාරක ප්රාග්ධන අවශ්යතා සහ ආයෝජන සක්රීය වීම නිසා සියලුම අංශවල ණය ඉල්ලුම ඉහළ ගොස් ඇත. විශේෂයෙන් රාජ්ය ව්යවසාය අංශයේ යටිතල පහසුකම් හා පුනර්ජනනීය බලශක්ති ව්යාපෘති සඳහා ණය ඉල්ලුම වැඩි වී තිබේ.
දෙවන කාර්තුවේදී සමස්ත අක්රීය ණය (NPL) ප්රමාණය පහළ ගියද, විනිමය අනුපාත අවප්රමාණය වීම සහ මැදපෙරදිග අර්බුදයේ බලපෑම නිසා ආයතනික, SME සහ SOE අංශවල අක්රීය ණය ප්රමාණය ඉහළ ගොස් ඇත. එමෙන්ම ආයතනික සහ SOE අංශවල ණය අයදුම්පත් ප්රතික්ෂේප වීම අඩු වී ඇති අතර, දැඩි අවදානම් ඇගයීම් නිසා සිල්ලර සහ SME අංශවල ණය අයදුම්පත් ප්රතික්ෂේප වීමේ අනුපාතය ඉහළ ගොස් තිබේ.
