සුගීෂ්වර ලබන 21 වැනිදා තෙක් යළිත් රිමාන්ඩ්..
1 min read
ජනාධිපති වැය ශීර්ෂය යටතේ තනතුරු දෙකක් සඳහා වන වැටුප් මුදල් ලබා ගැනීමේ සිද්ධියක් සම්බන්ධයෙන් රක්ෂිත බන්ධනාගාර ගතකර සිටින හිටපු ජනාධිපති ගෝඨාභය රාජපක්ෂගේ පෞද්ගලික ලේකම් නව ජනතා පෙරමුණේ නායක සූගීෂ්වර බණ්ඩාර තවදුරටත් ලබන 21 වැනිදා තෙක් රක්ෂිත බන්ධනාගාරගත කරන ලෙස කොටුව මහේස්ත්‍රාත් පසන් අමරසෙන අද (07) නියෝග කළේය.
ඒ එම සැකකරු අධිකරණය හමුවේ අද ඉදිරිපත් කළ අවස්ථාවේදීයි.
මෙම සිද්ධිය සම්බන්ධයෙන් තවදුරටත් විමර්ශන අවසන්ව නොමැති බවට මධ්‍යම අපරාධ විමර්ශන කාර්යංශය අධිකරණයට කළ කරුණු සැලකිල්ලට ගත් අධිකරණය මෙම නියෝගය නිකුත් කළේය.
මෙම නඩුව අද (07) අධිකරණය හමුවේ කැඳවූ අවස්ථාවේදී සැකකාර සුගීෂ්වර බණ්ඩාර යන අය වෙනුවනේ අධිකරණයේ පෙනී සිටි ජනාධිපති නීතිඥ මෛත්‍රී ගුණරත්න අධිකරණයට කරුණු ඉදිරිපත් කරමින් සඳහන් කර සිටියේ මෙම නඩුව කොටුව මහේස්ත්‍රාත් අධිකරණයෙන් කොළඹ ප්‍රධාන මහේස්ත්‍රාත් අධිකරණයට මාරුකර දෙන ලෙසයි.
ඒ අනුව ඒ සම්බන්ධ නියෝගයක් ඉදිරි දිනයකදී ලබා දෙන බව අධිකරණයෙන් දැනුම් දුන්නේය.
ඉදිරිපත් වූ කරුණු සැලකිල්ලට ගත් අධිකරණය සිද්ධිය සම්බන්ධයෙන් විමර්ශන මෙතෙක් අවසන්ව නොමැති බවට පැමිණිල්ල කළ කරුණුවලට අනුව සැකකරු තවදුරටත් ලබන 21 වැනිදා තෙක් රක්ෂිත බන්ධනාගාර ගත කිරීමට නියෝග කරමින් එදින තෙක් නඩුව කල් තබන ලදී.
