අමෙරිකාවෙන් ඉන්දියාවට 100%ක තීරුබදු තර්ජනයක්
1 min read
රුසියානු තෙල් මිලදී ගැනීම් හේතුවෙන් ඉන්දියාවට එරෙහිව සියයට 100ක තීරුබදු තර්ජනයක් මතුව තිබේ.
ඇමෙරිකානු නියෝජිත මන්ත්රී මණ්ඩලය විසින් සම්මත කරන ලද නව පනත් කෙටුම්පතක් හේතුවෙන් මෙම තත්ත්වය උද්ගත වී ඇත.
යුක්රේන යුද්ධයත් සමඟ බටහිර වෙළෙඳපොළට ප්රවේශය අහිමි වූ රුසියානු බොරතෙල්, පසුගිය වසර හතර පුරාම දැඩි වට්ටම් සහිතව ඉන්දියානු පිරිපහදු වෙත ගලා ගියේය.
ලෝකයේ විශාලතම තෙල් ආනයනකරුවෙකු වන ඉන්දියාව මෙම තත්ත්වය තම රටේ බලශක්ති අවශ්යතා සහ ආර්ථික වාසි සඳහා මනාව භාවිත කළේය.
කෙසේ වෙතත්, අමෙරිකානු නියෝජිත මන්ත්රී මණ්ඩලය බදාදා දින සම්මත කළ නව නීතිය මඟින්, රුසියානු තෙල් සහ ගෑස් මිලදී ගන්නා රටවලට සියයට 100ක් දක්වා වූ ඉහළ තීරුබදු පැනවීමට සහ රුසියාවට එරෙහිව සම්බාධක පැනවීමට ජනාධිපති ඩොනල්ඩ් ට්රම්ප්ට පුළුල් බලතල ලබා දී තිබේ.
දැන් මෙම පනත අත්සන් කිරීම සඳහා ජනාධිපතිවරයා වෙත යැවීමට නියමිතය.
පර්යේෂණ ආයතනයක් වන CREA හි දත්තවලට අනුව, 2022 දෙසැම්බර් සහ 2026 අගෝස්තු අතර කාලය තුළ රුසියානු බොරතෙල් අපනයනයෙන් අඩක්ම චීනය විසින් මිලදී ගෙන ඇති අතර, ඉන්දියාව 37%ක ප්රතිශතයක් සමඟ දෙවන ස්ථානයේ පසුවේ.
2026 මූල්ය වර්ෂය තුළ ඉන්දියාවේ මුළු බොරතෙල් ආනයනයෙන් 30.3%ක් සපයා ඇත්තේ රුසියාව විසිනි.
මෙම පනත යටතේ රුසියානු බලශක්ති ආනයන කපා හැරීමට හෝ වොෂින්ටනය සමඟ සාකච්ඡා කිරීමට සාමාන්යයෙන් දින 180ක කාලයක් හිමි වුවද, ජනාධිපතිවරයාට එම කාලසීමාව කෙටි කිරීමේ බලය ඇත.
මෙම තත්ත්වය හමුවේ ඉන්දියාව ප්රකාශ කර ඇත්තේ, තමන් මේ සම්බන්ධයෙන් ඉදිරි වර්ධනයන් නිරීක්ෂණය කරමින් සිටින බවත්, තම ජනතාවගේ බලශක්ති ආරක්ෂාව තහවුරු කිරීමට දැඩි ලෙස කැපවී සිටින බවත්ය.
කෙසේ වෙතත්, රුසියානු තෙල් වෙනුවට වෙනත් විකල්ප සෙවීම ඉන්දියාවට අභියෝගයක් වනු ඇති අතර, එයින් ඉන්දියාවේ ප්රවාහන හා රක්ෂණ වියදම් ඉහළ යාමට ඉඩ ඇත.
