සාකච්ඡා අසාර්ථකයි.. සරසවි ඇදුරන්ගේ ‘කළු සතිය’ වෘත්තීය ක්රියාමාර්ගය දිගටම..
1 min read
විශ්වවිද්යාල පද්ධතියේ පවතින ගැටලුවලට විසඳුම් ලබාගැනීම සඳහා අග්රාමාත්යවරිය සමඟ පැවැත්වූ සාකච්ඡා කිසිදු එකඟතාවකින් තොරව අසාර්ථක ලෙස අවසන් වූ බැවින්, විශ්වවිද්යාල ආචාර්යවරුන් ආරම්භ කළ ‘කළු සතිය’ වෘත්තීය ක්රියාමාර්ගය තවදුරටත් ඉදිරියට ගෙනයාමට තීරණය කළ බව විශ්වවිද්යාලයීය ආචාර්ය සමිති සම්මේලනය (FUTA) පවසයි.
අධ්යාපන අයිතිය සුරක්ෂිත කිරීම ඇතුළු ඉල්ලීම් කිහිපයක් මුල් කරගනිමින් පසුගිය 09 වනදා එක්දින සංකේත වැඩ වර්ජනයක නිරත වූ ආචාර්යවරුන්, අනතුරුව කළු පැහැති ඇඳුමින් සැරසී සේවයට වාර්තා කරමින් මෙම විරෝධතාව ආරම්භ කළහ. ඊට සහය පළ කරමින් විශ්වවිද්යාල සිසුන් ද කළු පැහැති ඇඳුමින් සැරසී පැමිණ සිටියහ.
මේ පිළිබඳව අදහස් දක්වමින් විශ්වවිද්යාලයීය ආචාර්ය සමිති සම්මේලනයේ ලේකම් ජ්යෙෂ්ඨ කථිකාචාර්ය චාරුදත්ත ඉලංගසිංහ මහතා සඳහන් කළේ, ආචාර්ය හිඟය, අලුතින් සිසුන් ඇතුළත් කරගැනීම සහ සිසුන් විශ්වවිද්යාල තුළ ගතකරන කාල සීමාව ඇතුළු ප්රමුඛ ගැටලු කිහිපයක් සම්බන්ධයෙන් රජය දැනුවත් කළ ද ඒවා විසඳීමට ආණ්ඩුව තවමත් නිසි උනන්දුවක් දක්වා නොමැති බවයි. එම නිසා ඉදිරි වෘත්තීය ක්රියාමාර්ග පිළිබඳ තීරණය ළඟදීම දැනුම් දෙන බව ද ඒ මහතා වැඩිදුරටත් පැවසීය.
