පාසල් ළමුන්ට මත්ගුලි විකිණූ දෙදෙනෙක් අත්අඩංගුවට
1 min read
පාසල් ළමුන් සහ බාලවයස්කාර දරුවන් ඉලක්ක කරගනිමින් නීතිවිරෝධී ලෙස මත්ගුලි අලෙවි කළ පුද්ගලයින් දෙදෙනෙකු කළුතර කොට්ඨාස විෂ මත්ද්‍රව්‍ය වැටලීම් ඒකකය මගින් අත්අඩංගුවට ගෙන තිබේ.
කළුතර කොට්ඨාස අපරාධ විමර්ශන අංශයට අයත් අදාළ වැටලීම් ඒකකයට ලද තොරතුරකට අනුව ඊයේ (07) සවස දොඩංගොඩ, තුඩුගල හන්දිය ප්‍රදේශයේදී මෙම වැටලීම සිදුකර ඇත.
වෙ‍ෙළඳසැලක් පවත්වාගෙන යන මුවාවෙන් බලපත්‍ර නොමැතිව ගංජා මිශ්‍ර මත්ගුලි අලෙවි කරන බවට ලද තොරතුරක් මත මෙම වැටලීම සිදුකර ඇති අතර, එම වෙ‍ෙළඳසැලේ සහ ඊට ආසන්නයේ වූ තාවකාලික නැවතුම්පළක තිබී ගංජා මිශ්‍රිත මත්ගුලි 700කට ආසන්න ප්‍රමාණයක් පොලිස් භාරයට ගෙන තිබේ.
මෙලෙස අත්අඩංගුවට ගෙන ඇත්තේ වයස අවුරුදු 21 සහ 22 යන වයස්වල පසුවන බෙලිඅත්ත සහ සෙවනගල ප්‍රදේශවල පදිංචිකරුවන් දෙදෙනෙකි.
සැකකරුවන් විසින් බලපත්‍ර රහිතව මෙම මත්ගුලි පාසල් ළමුන්ට යන බාලවයස්කාර දරුවන්ට අලෙවි කර ඇති බවට දැනට සිදුකළ විමර්ශනවලදී අනාවරණය වී ඇත.
අත්අඩංගුවට ගත් සැකකරුවන් දෙදෙනා කළුතර මහේස්ත්‍රාත් අධිකරණයට ඉදිරිපත් කිරීමට නියමිතය.
