ඥානසාර හිමියන්ගේ නිදහස ඉල්ලා කොළඹ විරෝධතා උණුසුම් වෙද්දී පැලවත්තේ හදිසි සාකච්ඡාවක්? ජනපති අනුරත් දුරකථනයෙන් සම්බන්ධ වෙයි!
1 min read
සිරගත කර සිටින පූජ්‍ය ගලගොඩඅත්තේ ඥානසාර හිමියන්ට නිදහස ලබාදෙන ලෙස ඉල්ලා සංවිධානය කර ඇති ‘නිදහසේ පාද යාත්‍රාව’ කොළඹ ජනාධිපති ලේකම් කාර්යාලය අසල පැවැත්වෙන අතරතුර, ජනතා විමුක්ති පෙරමුණේ පැලවත්ත පක්ෂ මූලස්ථානයේදී හදිසි සාකච්ඡාවක් පැවැත්වූ බවට තොරතුරු අනාවරණය වී තිබේ.
අප වෙත ලැබුණු ආරක්ෂක තොරතුරුවලට අනුව, එම සාකච්ඡාව මීට ස්වල්ප මොහොතකට පෙර අවසන් වී ඇති අතර, ජනාධිපති අනුර කුමාර දිසානායක මහතා ද දුරකථනය ඔස්සේ ඊට සම්බන්ධ වූ බව පැලවත්තේ ප්‍රකාශකයකු අප වාර්තාකරුට පවසා ඇත.
ඥානසාර හිමියන්ගේ නිදහස JVP නායකත්වයට දේශපාලන අභියෝගයක් වෙලාද?
අදාළ ප්‍රකාශකයා ලබාදුන් තොරතුරුවලට අනුව, ඥානසාර හිමියන්ගේ නිදහස ඉල්ලා පැවැත්වෙන විරෝධතාව හේතුවෙන් නිර්මාණය වී ඇති දේශපාලන තත්ත්වය සම්බන්ධයෙන් මෙම සාකච්ඡාවේදී විශේෂ අවධානයක් යොමු වී තිබේ.
විශේෂයෙන්ම විරෝධතාවයේ නිරත භික්ෂූන් වහන්සේලාගේ ඉල්ලීම් ඉටුකිරීමට ආණ්ඩුව පියවර ගතහොත්, එය ජනතා විමුක්ති පෙරමුණේ දේශපාලන ස්ථාවරයට සහ පක්ෂ අභ්‍යන්තර ඒකාග්‍රතාවට අහිතකර බලපෑම් ඇති කළ හැකි බවට අදහස් පළවී ඇතැයි එම ආරංචි මාර්ග සඳහන් කරයි.පක්ෂයේ ප්‍රධාන ලේකම් ටිල්වින් සිල්වා මහතා ඇතුළු නායකත්වයේ සාමාජිකයන් සහ පක්ෂ ක්‍රියාකාරීන් අතර එවැනි තීරණයක දේශපාලන ප්‍රතිවිපාක පිළිබඳ සැලකිල්ලක් පවතින බව ද ප්‍රකාශකයාගේ අදහස වී තිබේ.
ජනපති අනුර මුහුණ දෙන බව කියන බරපතළ දේශපාලන ගැටලු
පැලවත්තේ ප්‍රකාශකයා පවසන ආකාරයට, ඥානසාර හිමියන්ට නිදහස ලබාදීමේ තීරණයක් ගනු ලැබුවහොත් ජනාධිපති අනුර කුමාර දිසානායක මහතාට දේශපාලන වශයෙන් බරපතළ ගැටලු කිහිපයකට මුහුණදීමට සිදුවිය හැකි බව සාකච්ඡාවට ලක්වී තිබේ.එම තොරතුරු අනුව, මෙහිදී ප්‍රධාන වශයෙන් මතුව ඇත්තේ ආණ්ඩුවේ දේශපාලන පදනම, ජනතා විමුක්ති පෙරමුණේ සාමාජිකයන්ගේ ප්‍රතිචාර සහ ආණ්ඩුවට සහාය දක්වන විවිධ පාර්ශ්වයන්ගේ ස්ථාවරයන් පිළිබඳ ගැටලුවයි.
ඥානසාර හිමියන්ගේ නිදහස සම්බන්ධයෙන් ජනාධිපතිවරයා ගන්නා තීරණයක් පක්ෂයේ අභ්‍යන්තර මතභේද උත්සන්න කිරීමට හේතුවිය හැකි බවටද අදාළ ආරංචි මාර්ග අනතුරු අඟවා තිබේ.
දෙමළ ඩයස්පෝරාව සහ මුස්ලිම් දේශපාලන පාර්ශ්වයන් සම්බන්ධයෙන් මතුවන චෝදනා
මේ අතර, ඥානසාර හිමියන්ට නිදහස ලබාදීමේ තීරණයක් ජනාධිපතිවරයාට සහාය දක්වන ඇතැම් දෙමළ සහ මුස්ලිම් දේශපාලන පාර්ශ්වයන්ගේ විරෝධයට හේතුවිය හැකි බවටද අප වාර්තාකරු වෙත අදහස් ඉදිරිපත් වී තිබේ.එම අදහස් ඉදිරිපත් කළ පාර්ශ්වයන්, ජනාධිපතිවරයා සමඟ දෙමළ ඩයස්පෝරා සංවිධාන සහ මුස්ලිම් අන්තවාදී කණ්ඩායම් සමීප සබඳතා පවත්වන බවටත්, එවැනි පාර්ශ්වයන් ආණ්ඩුවේ ආර්ථික ප්‍රතිපත්තිවලට බලපෑම් කරන බවටත් චෝදනා කර තිබේ.
