මැද පෙරදිග අර්බුදයෙන් කලාපයේ වැඩිම බලපෑමට ලක්වූ මුදල් ඒකකය ශ්‍රී ලංකා රුපියල බවට පත්වෙලා..
1 min read
මැද පෙරදිග කලාපය පුරා ව්‍යාප්ත වෙමින් පවතින යුදමය හා දේශපාලනික නොසන්සුන්තාව හමුවේ කලාපීය මුදල් ඒකක අතුරින් වැඩිම බලපෑමට ලක්වූ මුදල් ඒකකය බවට ශ්‍රී ලංකා රුපියල පත්ව ඇතැයි ආර්ථික විශ්ලේෂකයෝ පෙන්වා දෙති.
පසුගිය පෙබරවාරි 28 වැනිදා සිට ජූලි 22 දක්වා වූ මාස පහකට ආසන්න කාලය තුළ සිදුකරන ලද දත්ත විශ්ලේෂණයකට අනුව, ඇමරිකානු ඩොලරයට සාපේක්ෂව ශ්‍රී ලංකා රුපියලේ අගය සියයට 8කින් කැපී පෙනෙන ලෙස පහත වැටී ඇත.
ශ්‍රී ලංකා රුපියල මාසිකව ගත් කල අප්‍රේල් මාසයේදී සියයට 1.3කින් ද, මැයි සහ ජූනි මාසවලදී පිළිවෙලින් සියයට 2.6 බැගින් ද අවප්‍රමාණය වී තිබේ.
සමාන ආර්ථික තත්ත්වයන් සහිත සෙසු කලාපීය රටවල් හා සැසඳීමේදී මෙම පසුබෑම කැපී පෙනෙන අතර, එම කාලසීමාව තුළ:
තායිලන්ත බාත් (Baht) – 7.9%කින්
පිලිපීන පෙසෝ (Peso) – 6.6%කින්
ඉන්දීය රුපියල – 5.5%කින්
ඉන්දුනීසියානු රුපියල – 2.1%කින්
බංග්ලාදේශ ටාකා (Taka) – 0.6%කින් ද පහත වැටී ඇත.
මෙම අර්බුදකාරී ගෝලීය පසුබිම හමුවේ වුවද, පාකිස්ථාන රුපියල ඩොලරයට සාපේක්ෂව සියයට 0.6ක වර්ධනයක් වාර්තා කිරීමට සමත්වීම විශේෂත්වයකි.
මැද පෙරදිග අස්ථාවරත්වය හමුවේ මෙරට ආර්ථිකයේ පවතින සංවේදීතාව සහ ඊට එල්ල වී ඇති දැඩි අභියෝගය මෙම දත්ත මගින් තහවුරු වන බව ද විශ්ලේෂකයෝ වැඩිදුරටත් සඳහන් කරති.
