ඉරානය ඇමරිකානු කඳවුරුවලට ප්‍රහාර එල්ල කරන්නේ චීන චන්ද්‍රිකා ආධාරයෙන් බවට හෙළිදරව්වක්
1 min read
ඉරානය විසින් මැදපෙරදිග කලාපයේ පිහිටි සංවේදී ඇමරිකානු හමුදා කඳවුරු නිවැරදිව ඉලක්ක කර ප්‍රහාර එල්ල කිරීම සඳහා චීන චන්ද්‍රිකා තාක්ෂණය භාවිතා කරන බව අනාවරණය වී තිබේ. හිටපු බ්‍රිතාන්‍ය බුද්ධි නිලධාරියෙකු ප්‍රකාශ කර ඇත්තේ, මෙම ප්‍රහාර මාලාව හරහා චීනය විසින් ඇමරිකා එක්සත් ජනපදයට එරෙහිව නියෝජිත යුද්ධයක් (proxy war) මෙහෙයවමින් සිටින බවයි.
මෙම ඉලක්කගත ප්‍රහාර සඳහා ඉරානය විසින් බීජිං හි සමාගමක් සමඟ ඇති කරගත් ගිවිසුමක් හරහා ලබා ගත්, ඉතා පැහැදිලි ඡායාරූප ලබා දෙන ‘TEE-01B’ නමැති චීන චන්ද්‍රිකාව භාවිතා කරන බව සඳහන් වන අතර, ඉරානයට සෘජු හමුදා සහයක් ලබා දෙන බව චීනය නිල වශයෙන් ප්‍රතික්ෂේප කර ඇත. මැදපෙරදිග ගැටුම් හේතුවෙන් මේ වන විට ඇමරිකානු යුධ උපකරණ රැසක් විනාශ වී ඇති අතර, ඇමරිකානු සොල්දාදුවන් 16 දෙනෙකුට ජීවිත අහිමි වී ඇති බව වාර්තා වේ.
Please follow and like us:
