රන් ආලේපිත ගිනිඅවිය සම්බන්ධයෙන් දුමින්ද යළි සැකකරුවෙකු කෙරේ

1 min read

රන් ආලේපිත ටී-56 ගිනිඅවියක් සොයාගැනීමේ සිද්ධිය සම්බන්ධයෙන් හිටපු අමාත්‍ය දුමින්ද දිසානායක මහතා නැවත සැකකරුවකු ලෙස නම්කරමින් ගල්කිස්ස මහේස්ත්‍රාත් අධිකරණයේ පෙනී සිටින ලෙසට නොතීසි නිකුත් කරන්නැයි ගල්කිස්ස මහේස්ත්‍රාත්වරිය ඊයේ (19) නියෝග කර තිබේ.

හැව්ලොක් නිවාස සංකීර්ණයේ සිටි ආරක්ෂක නිලධාරීන් කාන්තාවකගේ බෑගයක තිබී රන් ආලේපිත ටී-56 ගිනිඅවියක් සොයාගැනීම සම්බන්ධ නඩුවෙන් පසුගිය වර්ෂයේ ජුලි මස 29 වැනිදා දුමින්ද දිසානායක මහතා මුදාහැර තිබුණි.

කෙසේවෙතත් ත්‍රස්ත මර්දන හා විමර්ශන කොට්ඨාසයේ නිලධාරීන් ගිනිඅවිය සම්බන්ධයෙන් සිදුකළ පසු විමර්ශන වාර්තාවලට අනුව දුමින්ද දිසානායක මහතා සැකකරුවකු ලෙසට නම් කළ හැකි බවට නීතිපති දෙපාර්තමේන්තුව අධිකරණයට දන්වා තිබුණි.