තෙල් පෝලිමේ සිටි අයෙක් ඇද වැටී මිය යයි…

1 min read

යතුරුපැදියට ඉන්ධන ලබාගැනීම සඳහා පෝලිමක රැඳී සිටි පුද්ගලයකු හදිසියේ රෝගාතුර වී ඇද වැටීමෙන් මියගොස් ඇති බව කුරුණෑගල මූලස්ථාන පොලිසිය පවසයි.

මෙලෙස අවාසනාවන්ත ලෙස මියගොස් ඇත්තේ වැල්ලව, මුළුගහපිටිය ප්‍රදේශයේ පදිංචිව සිටි 43 හැවිරිදි මද්දුම කංකානම්ලාගේ අසිත රුවන් මද්දුමගේ නැමැති අයෙකි.

පෙරේදා (01) සවස ගෝනගම පිහිටි සමූපකාර ඉන්ධන පිරවුම්පොළේ ඉන්ධන ලබාගැනීම සඳහා පෝලිමේ රැඳී සිටියදී මොහු මෙලෙස හදිසියේම බිම ඇද වැටී තිබේ.

අනතුරුව 1990 සුවසැරිය ගිලන් රථ සේවාව මගින් ඔහුව වහාම කුරුණෑගල ශික්ෂණ රෝහල වෙත ඇතුළත් කිරීමට පියවර ගෙන ඇත. කෙසේ වෙතත් රෝහලට ඇතුළත් කරන විටත් ඔහු මියගොස් සිටි බව වෛද්‍යවරුන් තහවුරු කර ඇතැයි පොලිසිය සඳහන් කරයි.

පුවත් එසැනින් බලන්න WhatsApp Group එක දැන්ම Follow කරන්න !