22ට එරෙහිව හෘදසාක්ෂියට එකඟව ඡන්දය දෙන්න – ආණ්ඩු පක්ෂයේ මන්ත්රීවරුන්ගෙන් දිලිත් ඉල්ලයි
1 min read
අදූරදර්ශි 22වැනි ආණ්ඩුක්රම ව්යවස්ථා සංශෝධනය පිළිබඳ පාර්ලිමේන්තු ඡන්ද විමසුමේදී ඊට එරෙහිව හෘද සාක්ෂියට එකඟව ඡන්දය භාවිත කරන්නැයි සර්වජන බලය නායක පාර්ලිමේන්තු මන්ත්රි දිලිත් ජයවීර මහතා පාර්ලිමේන්තු මන්ත්රිවරුන්ගෙන් ඉල්ලීමක් සිදු කරයි.
සියලු පාර්ලිමේන්තු මන්ත්රිවරු වෙත ලිපියක් යොමුකරමින් ඔහු සඳහන් කර ඇත්තේ මෙරට ප්රජාතන්ත්රවාදය පිළිබඳ ඉතිහාසයට එක්විය හැකි කළු පැල්ලමක් ඉවත් කර මේ තීරණාත්මක අවස්ථාවේ නැණවත් කටයුතු කරනු ඇතැයි විශ්වාස කරන බවය.
සර්ජවජන බලය නායක පාර්ලිමේන්තු මන්ත්රි දිලිත් ජයවීර මහතා පාර්ලිමේන්තුවේ සියලු මන්ත්රිවරුන්ට අද (24) ලිපියක් යොමු කර තිබුණි.
ඒ 22වැනි ආණ්ඩු ක්රම ව්යවස්ථා සංශෝධනය පිළිබඳ ඡන්ද විමසීමේදී හෘද සාක්ෂියට එකඟව කටයුතු කරන ලෙස ඉල්ලමිනි.
උපුටා ගැනීම
” මා ඔබට මේ ලිපිය යොමු කරන්නේ දේශපාලන ප්රතිවාදියෙකු ලෙස නොව, අපේ රටේ අනාගතය ගැන නිරන්තරයෙන් සිතන, රටේ ප්රජාතන්ත්රවාදී අගයන් වෙනුවෙන් පෙනීසිටින සහෝදර මන්ත්රිවරයෙකු ලෙසයි.
අධිකරණය කටයුතු කරන්නේ මෙම පනත් කෙටුම්පත ව්යවස්ථාවට අනුකූලද අනනුකූලද යන්න විමසා බැලීම සහ එසේනම් පාර්ලිමේන්තුව එය නීතියක් බවට පත්කළ යුත්තේ සාමාන්ය බහුතරයකින්, තුනෙන් දෙකක බහුතරයකින් හෝ ජනමත විචාරණයකින් ජනතාවගේ අනුමැතිය ඇතිවද යන්න තීරණය කිරීම පමණි. මෙම සංශෝධනය මගින් රටට සහ ජනතාවට යහපතක් වේද? යන්න අධිකරණය තීරණය කරන්නේ නැත. සැබැවින්ම එම කරුණ ඔබේ හෘද සාක්ෂියට ඉතිරි කර ඇත.
අද ආණ්ඩු පක්ෂයේ ආසනවල වාඩිවී සිටින ඔබ බොහෝ දෙනෙක්, ඔබේ දේශපාලන ජීවිතය තුළ නීතියේ ආධිපත්යය, ප්රජාතන්ත්රවාදය සහ ස්වාධීන අධිකරණයක් වෙනුවෙන් දැඩිව පෙනීසිට ඇත. හිටපු අගවිනිසුරු ආචාර්ය
ශිරාණි බණ්ඩාරනායක මහත්මිය දෝෂාභියෝගයට ලක්කිරීමට එරෙහිව ඔබ බොහෝ දෙනෙකු හඬනැගූ බව මම දනිමි. ඒ ස්වාධීන අධිකරණයක් යනු නිදහස් රටක කොඳු නාරටිය බව ඔබ තේරුම්ගත් නිසා බව මම විශ්වාස කරමි.
අධිකරණය දුර්වල වූ විට බලවතුන්ට එරෙහිව සාමාන්ය පුරවැසියාගේ අවසාන ආරක්ෂක රේඛාව අහිමිවන බව ඔබ එකල මැනවින් දැනසිටියේය. එම අවබෝධයට කල් ඉකුත්වීමේ දිනයක් තිබිය නොහැකිය.
එදා ඔබ තුළ පැවති අවබෝධය, සමාන මූලධර්මයක් තවත් වරක් අනතුරේ වැටී ඇති අද දිනයේ ඔබ තුළ තවමත් ජීවමානව පැවතිය යුතුය.
ජනතාව ඔබ වෙත ඡන්දය ලබාදුන්නේ පක්ෂයක තීරණයට අනුව පටු ලෙස කටයුතු කිරීමට නොවේ. ඔවුන් ඡන්දය දුන්නේ පොරොන්දුවක් වෙනුවෙනි. ඔබ ඡන්දය ප්රකාශ කරන විට ඔබේ තීරකයා විය යුත්තේ ඔබේ පක්ෂයේ මූලධර්මවාදී උපදෙස් නොව පෙර කී පොරොන්දුව බව මගේ වැටහීමයි.
කාමරයක රැස්වූ කුඩා කණ්ඩායමක් විසින් ඔබව තෝරා ගත්තා යැයි ඔබ නොසිතිය යුතු අතර ඔබව තෝරාගන්නා ලද්දේ ඔබේ මැතිවරණ කොට්ඨාසයේ සාමාන්ය ඡන්දදායකයින් විසින් බව සිහිපත් කළ යුතුය.
සංශෝධන එනු ඇත, යනු ඇත.නමුත් තීරණාත්මක ජාතික ප්රශ්නයකදී සෑම මන්ත්රිවරයෙක්ම ඡන්දය දුන්නේ කෙසේද යන්න ඉතිහාසය සහ ඔබ කෙරෙහි විශ්වාසය තැබූ ජනතාව බොහෝ කාලයක් මතක තබාගනු ඇත.
අප මාතෘභූමියේ ප්රජාතන්ත්රවාදය රැකගැනීම වෙනුවෙන් අදූරදර්ශී 22වැනි ආණ්ඩුක්රම ව්යවස්ථා සංශෝධනයට එරෙහිව ඔබගේ හෘද සාක්ෂියේ ඡන්දය යොදාගනු ඇතැයි මම අපේක්ෂා කරමි.
ඔබ ප්රායෝගික අපහසුතාවකට මුහුණ දී ඇත්නම් ඡන්දය දීමෙන් වැළකීසිටීමට ඔබ ගන්නා තීරණයට වුව ඉතිහාසය දැවැන්ත වටිනාකමක් දෙනු ඇත.
මව්බිම නිහඬව නමුත් අපේක්ෂාසහගතව ඔබ දෙස බලා සිටී.
මාතෘ භූමියට ජයවේවා.
සහෝදර පාර්ලිමේන්තු මන්ත්රි,
දිලිත් ජයවීර”
උපුටා ගැනීම අවසන්.
