11 වැනි එක් තීරයක් එක් මාවතක් සමුළුව හොංකොං හිදී ඇරඹේ..
1 min read
රටවල් සහ කලාප 70කට වැඩි සංඛ්‍යාවක නියෝජනය සහිතව රාජ්‍ය නිලධාරීන් සහ ව්‍යාපාරික නායකයින් 6,000කට අධික පිරිසකගේ සහභාගිත්වයෙන් 11 වන ‘එක් තීරයක් එක් මාවතක්’ සමුළුව ඊයේ (09) හොංකොං හිදී සාර්ථකව ආරම්භ විය.
සමුළුවේ සමාරම්භක උත්සවය අමතමින් හොංකොං විශේෂ පරිපාලන කලාපයේ ප්‍රධාන විධායක ජෝන් ලී සඳහන් කළේ, වර්තමානයේ ලෝකය පෙර නොවූ විරූ පරිවර්තනයන්ට සහ භූ දේශපාලනික බෙදීම්වලට මුහුණ දෙමින් සිටින පසුබිමක, ‘එක් තීරයක් එක් මාවතක්’ මුලපිරුම මගින් ගොඩනගන අන්තර් සබඳතාව, සහයෝගිතාව සහ එකඟතාව ජාත්‍යන්තර ප්‍රජාවට අත්‍යවශ්‍ය සාධක බවයි.
“එක් තීරයක් එක් මාවතක් මුලපිරුම යනු අතීත සිතියමක් නොව, අනාගතය වෙනුවෙන් අප සියලු දෙනා බෙදාගත් සාමුහික සැලැස්මක්,” යැයි පැවසූ ප්‍රධාන විධායකවරයා, එම අනාගත දැක්ම හොංකොං හි සිට සාර්ථකව අවබෝධ කරගන්නා බවද වැඩිදුරටත් අවධාරණය කළේය.
සමුළුවේ පළමු දිනයේදීම මූල්‍ය, වෘත්තීය සේවා සහ ඉදිකිරීම් ඇතුළු ක්ෂේත්‍ර රැසක් ආවරණය වන පරිදි වැදගත් එකඟතාවන් සහ ගිවිසුම් 32කට අත්සන් තබා ඇති බවයි චීන මාධ්‍ය වාර්තා කළේ.
