මහවැලි ගඟ ආශ්රිත පහත් බිම් කිහිපයකට ගංවතුර අනතුරු ඇඟවීම්
1 min read
ඉදිරි පැය 24 තුළ මහවැලි ගඟ ආශ්රිත පහත් බිම් ප්රදේශ කිහිපයක ගංවතුර තත්ත්වයක් ඇතිවීමේ අවදානමක් පවතින බව වාරිමාර්ග දෙපාර්තමේන්තුව නිවේදනයක් නිකුත් කරමින් සඳහන් කර සිටී.
මෙම අනතුරු ඇඟවීමේ නිවේදනය අද (03) 12.30 නිකුත් කර ඇති අතර එය හෙට (04) මධ්යම රාත්රී 12.30 දක්වා වලංගු වේ.
ඒ අනුව මහවැලි ගඟ ද්රෝණියේ උඩුනුවර, උඩපළාත, යටිනුවර, ගඟඉහළ කෝරළය, පස්බාගේ කෝරළය සහ ගඟවට කෝරළය යන ප්රාදේශීය ලේකම් කොට්ඨාශවලට අයත් පහත් බිම් ප්රදේශ සඳහා මෙම නිවේදනය අදාළ වේ.
එබැවින් එම ප්රදේශවල මහවැලි ගඟට ආසන්නව සහ පහත් බිම්වල පදිංචි මහජනතාවට දැඩි විමසිල්ලෙන් පසුවන ලෙසත්, ඇතිවිය හැකි ගංවතුර තත්ත්වයකින් ආරක්ෂා වීමට අවශ්ය පූර්ව ආරක්ෂිත පියවර ගන්නා ලෙසත් වාරිමාර්ග දෙපාර්තමේන්තුව ඉල්ලා සිටී.
ඉදිරි කාලය තුළදී තවදුරටත් වැසි ඇතිවිය හැකි බැවින් මහජනතාව දැඩි අවධානයකින් යුතුව කටයුතු කරන ලෙස වාරිමාර්ග දෙපාර්තමේන්තුව වැඩිදුරටත් අවධාරණය කර ඇත.
