ධනපතියන්ට බිලියන ගණනින් බදු සහන දෙද්දී ජනතාවට බදු බර.. – ළමා මන්දපෝෂණයත් ඉහළට..

පසුගිය කාලය තුළ ආයෝජන මණ්ඩලය (BOI) හරහා පැමිණි සමාගම් සඳහා රුපියල් බිලියන 276ක බදු සහනයක් ලබා දී ඇති බව Daily FT පුවත්පත වාර්තා කර තිබේ. එමෙන්ම, මෙම වසරේ පළමු කාර්තුවේ මාස තුන තුළ පමණක් අදාළ සමාගම්වලින් අය නොකර අතහැර ඇති වැට් බදු ප්‍රමාණය රුපියල් බිලියන 9.58ක් වන අතර, අය නොකර අත්හැර දමා ඇති ආදායම් බදු ප්‍රමාණය රුපියල් බිලියන 20ක් පමණ වේ.

මේ අනුව, බහුජාතික ප්‍රාග්ධන හිමියන් මෙම වසර තුළ පමණක් රුපියල් බිලියන 1000කට ආසන්න බදු සහන ප්‍රමාණයක් ලබාගනු ඇති බවට ගණන් බලා ඇත. මීට අමතරව, දේශීය ධනපතියන් විසින් ගෙවීම් පැහැර හැර ඇති බදු ප්‍රමාණය ද රුපියල් බිලියන 961ක් දක්වා ඉහළ ගොස් තිබේ.

ධනපතියන් සහ බහුජාතික සමාගම් වෙත මෙලෙස දැවැන්ත බදු සහන සහ බදු සහන හිඟ සිටිද්දී, සාමාන්‍ය ජනතාව දැඩි පීඩාවට පත් කරමින් පසුගිය මාස හය තුළ එක් පවුලකින් රුපියල් 41,146 බැගින් භාණ්ඩ හා සේවා මත බදු එකතු කිරීමට රජය කටයුතු කර ඇත.

ජනප්‍රිය පුවත් ලෝක වෙළෙඳපොළේ බොරතෙල් මිල පහළට

රට තුළ වයස අවුරුදු 5ට අඩු දරුවන්ගේ මන්දපෝෂණ තත්ත්වය 21% දක්වා ඉහළ ගොස් තිබුණ ද අත්‍යවශ්‍ය ආහාර ද්‍රව්‍ය සඳහා සහන ලබා දීමට පියවර ගෙන නොමැත. එසේම, වසර හයක් තුළ දරුවන් 2,67,000ක් අතරමගදී පාසල් හැරගොස් ඇති බව අග්‍රාමාත්‍යවරිය විසින් අනාවරණය කර ඇති පසුබිමක පවා, පාසල් උපකරණ සඳහා පනවා ඇති බදු ඉවත් කිරීමට රජය මෙතෙක් කටයුතු කර නොමැත.