ඇමරිකානු බන්ධනාගාරයේ පසුවන වෙනෙසියුලානු හිටපු ජනාධිපති නිකොලස් මදුරෝගේ අලුත්ම ඡායාරූප නිකුත් වෙයි
1 min read
ඇමරිකා එක්සත් ජනපදයේ නිව්යෝර්ක් නුවර බන්ධනාගාරයක රඳවා සිටින වෙනෙසියුලාවේ හිටපු ජනාධිපති නිකොලස් මදුරෝගේ (Nicolás Maduro) අලුත්ම ඡායාරූප කිහිපයක් ඔහුගේ නිල X (ට්විටර්) ගිණුම හරහා ප්රසිද්ධියට පත්කර තිබේ.
මෙම ඡායාරූපවල ඔහු අළු පැහැති බන්ධනාගාර ඇඳුමෙන් සැරසී සිටින අතර, තමන් නොසැලී සිටින බවත් “වෙනෙසියුලාව නැවත නැගී සිටිනු ඇති” බවත් සඳහන් කරමින් තම පවුලේ සාමාජිකයන් සහ ආධාරකරුවන් වෙත බලාපොරොත්තුවේ පණිවිඩයක් ද එක්කර තිබේ.
මූල්ය අපරාධ, මත්ද්රව්ය ජාවාරම් සහ ත්රස්තවාදයට අනුබලදීම් ඇතුළු චෝදනා කිහිපයක් යටතේ පසුගිය ජනවාරි මාසයේදී ඇමරිකානු විශේෂ බලකාය විසින් කැරකස් නුවරදී අත්අඩංගුවට ගත් මදුරෝ, දැනට නිව්යෝර්ක් හි බෘක්ලින් රඳවා තැබීමේ මධ්යස්ථානයේ (Metropolitan Detention Center) පසුවෙයි.
තමන් වෙත එල්ල වී ඇති සියලු චෝදනා ප්රතික්ෂේප කරන මදුරෝ, තමන් දේශපාලන සිරකරුවෙකු සහ යුද සිරකරුවෙකු බව අධිකරණය හමුවේ ප්රකාශ කර සිටියේය.
