වාහන ආනයන රේගු බද්දට තවත් 50%ක බද්දක්

1 min read

ආනයනය කරනු ලබන වාහන සඳහා අදාළ රේගු ආනයන බදු මත අතිරේක 50%ක බද්දක් අය කිරීමට මුදල් අමාත්‍යාංශය තීරණය කර තිබේ.

ඒ අනුව ආනයනික මෝටර් රථයක් සඳහා මෙතෙක් අය කළ 30%ක රේගු ආනයන බද්දට අමතරව එකී බද්ද මත තවත් 50%ක අතිරේක බද්දක් පැනවෙයි.

ජනාධිපති අනුර කුමාර දිසානායක මහතාගේ අත්සනින් යුතුව නිකුත් කර ඇති විශේෂ ගැසට් නිවේදනය අනුව අද (15) සිට මාස තුනක කාලසීමාවක් සඳහා මෙම අතිරේක සියයට 50ක බදු ගාස්තුවක් අය කිරීමට නියමිතය.

කෙසේ වෙතත් මැයි 15 හෝ ඊට පෙර ණයවර ලිපි විවෘත කර ඇති වාහන සඳහා මෙම නව 50%ක බද්ද බලනොපාන බවද සඳහන් ය.