මහා පරිමාණ ගැටුමකට ඊශ්රායලයේ සූදානමක්!
1 min read
දෛනිකව එල්ල වන ඉරාන ඩ්රෝන් සහ බැලිස්ටික් මිසයිල ප්රහාර නිෂ්ක්රීය කිරීමට ඇති නවීන ‘ඊරෝ’ (Arrow) සහ ‘අයන් ඩෝම්’ (Iron Dome) වැනි පද්ධති සඳහා භාවිත කරන ප්රමාණය අවම කිරීමට ඊශ්රායලය තීරණය කර ඇති බව The Wall Street Journal වාර්තා කරනවා.
මෙම තීරණයට හේතු වී ඇත්තේ අනාගතයේදී ඇති විය හැකි මහා පරිමාණ ගැටුමක් සඳහා සූදානම් වීමේ අරමුණින් උපායමාර්ගික සංචිත සුරක්ෂිත කර ගැනීමේ අවශ්යතාවයයි. දිගුකාලීන යුද්ධයකදී මෙම interceptors නිෂ්පාදනය කර ගැනීම සඳහා ඇමරිකා එක්සත් ජනපදයෙන් ලැබෙන සහයෝගය ප්රමාද විය හැකි බවට ඇති බිය ද මෙම තීරණයට බලපා තිබෙනවා.
එහි ප්රතිඵලයක් ලෙස, ඊශ්රායල ආරක්ෂක අංශ දැන් වඩාත් තෝරා බේරා ප්රහාර මැඩපැවැත්වීමේ උපායමාර්ගයක් අනුගමනය කරනු ඇත. ජීවිත හානි වළක්වා ගැනීමට අවශ්ය අවම මට්ටමේ ආරක්ෂාව පමණක් යොදා ගැනීමටත්, සුළු තර්ජන සම්බන්ධයෙන් වඩාත් ලාභදායී හා සාම්ප්රදායික ක්රම භාවිත කිරීමටත් බලධාරීන් අපේක්ෂා කරයි.
ඉරානය මෙම තත්ත්වය තම උපායමාර්ගික ජයග්රහණයක් ලෙස හඳුන්වා ඇති අතර, ඊශ්රායලයේ ආරක්ෂක හැකියාව පිළිබඳ ජනතාව තුළ ඇති විශ්වාසය මෙම සීමා කිරීම් නිසා දුර්වල විය හැකි බවට විශ්ලේෂකයින් අනතුරු අඟවයි.
