පිල්ලයාන් යළි රක්ෂිත බන්ධනාගාර ගත කෙරේ
1 min read
ත්රස්තවාදය වැළැක්වීමේ පනත යටතේ අත්අඩංගුවට ගෙන සිටින හිටපු රාජ්ය අමාත්ය සිවනේසතුරෙයි චන්ද්රකාන්තන් හෙවත් පිල්ලයාන් එළැඹෙන මස 04 වැනිදා දක්වා රක්ෂිත බන්ධනාගාර ගත කරන ලෙස නියෝග කර තිබේ.
ඒ සැකකරු සැකකරු අද (24) ඔන්ලයින් ක්රමවේදය හරහා මඩකලපුව අධිකරණයට ඉදිරිපත් කරන ලද අවස්ථාවේදීය.
එහිදී මඩකලපුව මහේස්ත්රාත් විනිසුරු ඒ. තර්ෂිනී මහත්මිය විසින් මෙම නියෝගය නිකුත් කළාය.
2008 වසරේදී මඩකලපුව දිස්ත්රික්කයේ ඇතැම් ප්රදේශවල සිදුවූ මිනීමැරුම් පහක් සම්බන්ධයෙන් අපරාධ පරීක්ෂණ දෙපාර්තමේන්තුව විසින් අධිකරණය හමුවේ සැකකරු ඇතුළු පුද්ගලයින් කිහිප දෙනෙකුට එරෙහිව නඩු පවරනු ලැබීය.
ඒ අනුව කල්ලඩි හී සිදුවූ ඝාතන 5 සම්බන්ධයෙන් ගොනු කර ඇති චෝදනා තුනක් සහ මෙම නඩුව සම්බන්ධයෙන් ගොනු කර ඇති එක් චෝදනාවක් සම්බන්ධයෙන් අධිකරණ විභාගය අද පැවැත්විණි.
එහිදී කරුණු සලකා බැලූ මහේස්ත්රාත්වරිය සැකකරු එළැඹෙන 04 දක්වා සැකකරු රක්ෂිත බන්ධනාගාරගත කිරීමට නියෝග කළාය.
2008 වසරේදී මඩකලපුව කල්ලඩි මුරුගන් කෝවිල අසලදී හිටපු පොලිස් නිලධාරියෙකු ඇතුළු දෙදෙනෙකු වෙඩි තබා ඝාතනය කිරීම, එම වසරේදී මැයි 22 වන දින පුද්ගලයින් දෙදෙනෙකු වෙඩි තබා ඝාතනය කිරීම සහ එම වසරේ අගෝස්තු 20 වැනි දින වවුනියාව ප්රදේශයේදී සන්නද්ධ කණ්ඩායමක් විසින් පුද්ගලයෙකු වෙඩි තබා ඝාතන කිරීම යන චෝදනා යටතේ සැකකරුට එරෙහිව අපරාධ පරීක්ෂණ දෙපාර්තමේන්තුව සිවනේසතුරෙයි චන්ද්රකාන්තන් හෙවත් පිල්ලයාන්ට එරෙහිව නඩු ගොනු කර ඇත.
