ඩොලර් සංචිත පහළට
1 min read
ශ්රී ලංකාවේ නිල විදේශ විනිමය සංචිත ප්රමාණය ඇමරිකානු ඩොලර් බිලියන 6.4 දක්වා පහත වැටී ඇති බව මහ බැංකු වාර්තා පෙන්වා දෙයි.
මීට පෙර ඩොලර් බිලියන 6.8ක් ලෙස පැවති සංචිත මෙලෙස පහත වැටීම සම්බන්ධයෙන් මූල්ය බලධාරීන් පවසන්නේ ආනයන ඉල්ලුම ඉහළ යාම මීට ප්රධාන හේතුව වී ඇති බවයි. මේ සම්බන්ධයෙන් අදහස් දක්වන විපක්ෂ පාර්ලිමේන්තු මන්ත්රී රවී කරුණානායක මහතා චෝදනා කරන්නේ, රුපියලේ අගය කඩා වැටීම වැළැක්වීම සඳහා මහ බැංකුව විසින් වෙළෙඳපොළට ඩොලර් මුදා හැරීම හේතුවෙන් සංචිත මෙලෙස අඩු වී ඇති බවයි.
ජාත්යන්තර මූල්ය අරමුදලේ වැඩසටහන යටතේ වසර අවසානය සඳහා නියම කර ඇති ඩොලර් බිලියන 8.9ක සංචිත ඉලක්කයෙන් ශ්රී ලංකාව ඈත් වෙමින් පවතින බව ද ඔහු පෙන්වා දුන්නේය.
කෙසේ වෙතත්, මූල්ය ප්රතිපත්ති විවරණයේදී අදහස් දැක්වූ මහ බැංකු අධිපති ආචාර්ය නන්දලාල් වීරසිංහ මහතා මෙම චෝදනා ප්රතික්ෂේප කළේය.
සංචිත පහත වැටීමට හේතුව විනිමය අනුපාතිකය පාලනය කිරීමට මැදිහත් වීම නොව, ආනයන සඳහා වන විදේශ විනිමය පිටතට ගලායාම ඉහළ යාම බව ඔහු පැහැදිලි කළේය.
පසුගිය මාස කිහිපය තුළ මාසික ආනයන වියදම ඩොලර් බිලියන 2 ඉක්මවා ගොස් ඇති අතර, ඇතැම් මාසවලදී එය ඩොලර් බිලියන 2.4ක් තරම් ඉහළ අගයක් ගත් බව ද ඔහු සඳහන් කළේය.
ලෝක වෙළෙඳපොළේ ඉන්ධන මිල ඉහළ යාම, වාහන සහ ඉන්ධන ආනයන පරිමාවන් වැඩි වීම මෙන්ම සියයට 27ක පමණ ණය වර්ධනයක් පැවතීම මෙම ආනයන වියදම් ඉහළ යාමට බලපා ඇති බව අධිපතිවරයා වැඩිදුරටත් පැවසීය.
සංචිත මට්ටම තාවකාලිකව පහත වැටුණ ද, ඉදිරියේදී ජාත්යන්තර මූල්ය අරමුදල, ආසියානු සංවර්ධන බැංකුව සහ ලෝක බැංකුව වැනි බහුපාර්ශ්වික ණය දෙන්නන්ගෙන් ලැබීමට නියමිත මූල්ය පහසුකම් හේතුවෙන් සංචිත මට්ටම යළි ශක්තිමත් වනු ඇතැයි මහ බැංකුව විශ්වාසය පළ කරයි.
වසර අවසානය වන විට නිල විදේශ සංචිත මට්ටම ඩොලර් බිලියන 8ක සීමාවට ගෙන ඒම මහ බැංකුවේ වර්තමාන ඉලක්කය වී තිබේ.
ශ්රී ලංකාවේ නිල විදේශ විනිමය සංචිත ප්රමාණය ඇමරිකානු ඩොලර් බිලියන 6.4 දක්වා පහත වැටී ඇති බව මහ බැංකු වාර්තා පෙන්වා දෙයි.
මීට පෙර ඩොලර් බිලියන 6.8ක් ලෙස පැවති සංචිත මෙලෙස පහත වැටීම සම්බන්ධයෙන් මූල්ය බලධාරීන් පවසන්නේ ආනයන ඉල්ලුම ඉහළ යාම මීට ප්රධාන හේතුව වී ඇති බවයි.
