දුරකථන සමාගම්වලට පාරිභෝගිකයෝ රුපියල් කෝටි හතක පොලු තියලා
1 min read
දුරකථන පසු ගෙවුම් ග්රාහකයන්ගේ බොල්ණය ප්රමාණය රුපියල් හත්කෝටි විසි ලක්ෂය ඉක්මවා තිබෙන බව මුදල් කාරක සභාව පාර්ලිමේන්තුවට ඉදිරිපත් කර තිබෙන වාර්තාවක සඳහන් වේ.
මෙම බොල් ණය කපා හැරීමට අදාළ යෝජනාවක් මුදල් කාරක සභාවට ලැබී තිබෙන අතර ඊට කොන්දේසි සහිත අනුමැතිය ලබාදීම සඳහා පුළුල් සාධාරණීකරණයක් ඉදිරිපත් කර නොමැති බැවින් ඒ පිළිබඳ වැඩිදුර පැහැදිලි කිරීම් කාරක සභාවෙන් ඉල්ලා තිබේ.
විදුලි සංදේශ ක්රියාකරුවන් ග්රාහකයන්ගෙන් එකතු කරන බදු මුදල් පමණක් විදුලි සංදේශ නියාමන කොමිෂන් සභාවට ගෙවිය යුතු වන අතර ග්රාහකයකු ගෙවීම් පැහැර හරින අවස්ථාවක දී සේවා ගාස්තුව හෝ බදු මුදල එකතු කර ගැනීමට නොහැකි වන බවත් එහි දැක්වේ.
දැනට පවතින පනත යටතේ මෙවැනි අය කර නොගත් ආදායම් මත බද්ද ගෙවීමට ක්රියාකරුවන් බැඳී නැති බවට පැහැදිලි විධිවිධාන නොමැති හෙයින් පනත සංශෝධනය කිරීමට සැලැසුමුකර ඇතැයි පඅවසේ.
යෝජිත සංශෝධනයෙන් යම් කාල සීමාවක දී තුළ විදුලි සංදේශ නියාමන කොමිෂන් සභාව වෙත ගෙවිය යුතු බදු මුදලින් යම් බොල් ණයක් අඩු කිරීමට ක්රියාකරුවන්ට සහ සැපයුම්කරුවන්ට අවසර ලැබෙනු ඇත.
