එක්සත් ජනපද ජාතික ත්රස්ත මර්දන ප්රධානී ඉල්ලා අස්වෙයි!
1 min read
අමෙරිකා එක්සත් ජනපද ජාතික ත්රස්ත මර්දන මධ්යස්ථානයේ ප්රධානී ජෝශප් කෙන්ට් අද මීට ස්වල්ප මොහොතකට පෙර සිය ධුරයෙන් ඉල්ලා අස්වී තිබේ. ඔහු එක්සත් ජනපද බුද්ධි අංශ අධ්යක්ෂ තුල්සි ගැබාඩ්ගේ ඉහළම සහායකයෙකු බවයි වාර්තා වන්නේ. ජෝ කෙන්ට් ඉරාන යුද්ධය සම්බන්ධයෙන් ඉල්ලා අස්වූ පළමු ජ්යෙෂ්ඨ ට්රම්ප් පරිපාලන නිලධාරියා බවට පත්විය .
ඉරානයෙන් එක්සත් ජනපදයට ආසන්න තර්ජනයක් නොතිබූ තත්වයක දී එය නොතකා ට්රම්ජ් ජනාධිපතිවරයා ඊශ්රායලයේ පීඩනය යටතේ යුද්ධය දියත් කළ බවයි ඉල්ලා අස්වෙමින් කෙන්ට් පවසා තිබුයේ.
” ඉරානයට එරෙහිව සිදුවෙමින් පවතින යුද්ධයට මට යහපත් හෘද සාක්ෂියක් ඇතුව සහාය දිය නොහැක. ඉරානය අපේ ජාතියට කිසිදු ආසන්න තර්ජනයක් එල්ල නොකළ අතර, අපි මෙම යුද්ධය ආරම්භ කළේ ඊශ්රායලයේ සහ එහි බලගතු ඇමරිකානු කණ්ඩායමක පීඩනය නිසා බව පැහැදිලියි” ඔහු සඳහන් කරයි.
“මැද පෙරදිග යුද්ධ යනු අමෙරිකානු අපේ දේශප්රේමීන්ගේ වටිනා ජීවිතකොල්ලකන සහ අපගේ ජාතියේ ධනය හා සමෘද්ධිය ක්ෂය කරන උගුලක්. ට්රම්ජ් පරිපාලනයේ මුල් අවධියේදී, ඉහළ පෙළේ ඊශ්රායල නිලධාරීන් සහ ඇමරිකානු මාධ්යවල බලගතු සාමාජිකයින් යුද්ධය පිළිබඳව මතයන් පතුරුවා ඉරානය සමඟ යුද්ධයක් දිරිගැන්වීම සඳහා යුද්ධයට පක්ෂ හැඟීම් වැපිරූවා. ඒ සඳහා වැරදි තොරතුරු ව්යාපාරයක් දියත් කළා.
ඉරානය එක්සත් ජනපදයට ආසන්න තර්ජනයක් එල්ල කරන බව විශ්වාස කිරීමට අපව පෙළඹ වුවා. ඔවුන් පැවසුවේ ‘ඔබ දැන් ඉරානයට පහර දුන්නොත්, ඉක්මන් ජයග්රහණයකට පැහැදිලි මාවතක් තිබෙනවා’ කියයි. මෙය බොරුවක්. අපගේ ජාතියට අපගේ හොඳම පිරිමින් සහ ගැහැනුන් දහස් ගණනකගේ ජීවිත අහිමි කළ විනාශකාරී ඉරාක යුද්ධයට අපව ඇද ගැනීමට ඊශ්රායල ජාතිකයන් භාවිතා කළ උපක්රමයම එයයි. අපට නැවතත් මෙම වැරැද්ද කළ නොහැක” යි ජෝශප් කෙන්ට් පවසයි..
මෙම ඉල්ලා අස්වීම පිළිබඳව අදහස් දැක්වීම සඳහා ධවල මන්දිර සහ ජාතික බුද්ධි අධ්යක්ෂ කාර්යාලය වෙතින් කල ඉල්ලීම්වලට තවමත් ප්රතිචාර නොදැක්වූ බවයි විදෙස් මාධ්ය පවසන්නේ
