යුරෝපා රටවල් රැසක අමුතු තාලයේ පෝලිමක්
1 min read
ප්රංශය ඇතුළු යුරෝපීය රටවල් කිහිපයකට මේ දිනවල බලපා ඇති දැඩි උෂ්ණාධික කාලගුණික තත්ත්වය හේතුවෙන්, එරට වැසියන් වායුසමීකරණ යන්ත්ර මිලදී ගැනීමට විශාල වශයෙන් පෙළඹී ඇති බව වාර්තා වේ.
සාම්ප්රදායිකව ප්රංශයේ නිවාසවල වායුසමීකරණ යන්ත්ර භාවිතය ඉතා අවම මට්ටමක පැවතියද, වර්තමානයේ පවතින අධික උෂ්ණත්වය හමුවේ එම තත්ත්වය වේගයෙන් වෙනස් වෙමින් පවතී.
ප්රංශයේ ප්රධාන නගර රැසක උෂ්ණත්වය වාර්තාගත ලෙස ඉහළ ගොස් ඇති අතර, මේ හේතුවෙන් විදුලි උපකරණ අලෙවිසැල් ඉදිරිපිට පාරිභෝගික පෝලිම් දක්නට ලැබෙන බව විදෙස් මාධ්ය වාර්තා කරයි. ඇතැම් ස්ථානවල වායුසමීකරණ මිලදී ගැනීමට පැමිණි පිරිස් අතර ගැටුම්ද ඇති වී තිබේ.
විශේෂයෙන්ම, මීට පෙර වායුසමීකරණ යන්ත්ර අනවශ්ය යැයි සැලකූ ප්රදේශවල පවා මේ වන විට ඒවායේ හිඟයක් නිර්මාණය වී ඇති අතර, පවතින ඉල්ලුමට සරිලන සැපයුමක් ලබා දීමට වෙළෙඳ ආයතන දැඩි උත්සාහයක නිරත වේ. බොහෝ පාරිභෝගිකයින් පවසා ඇත්තේ නිවෙස් තුළ රැඳී සිටීම පවා අපහසු වන තරමට උෂ්ණත්වය ඉහළ ගොස් ඇති බැවින්, මෙම උපකරණ මිලදී ගැනීම අත්යවශ්ය වී ඇති බවයි.
