ජෝර්දානයේ ප්රින්ස් හසාන් ගුවන් හමුදා කඳවුරට ඉරානයෙන් ප්රහාර
1 min read
ජෝර්දානයේ පිහිටි ප්රින්ස් හසාන් ගුවන් හමුදා කඳවුර ඉලක්ක කර ගනිමින් මිසයිල සහ ඩ්රෝන ප්රහාර එල්ල කළ බව ඉරානය තහවුරු කර තිබේ.
විදෙස් මාධ්ය වාර්තා කරන්නේ එම ප්රහාරයෙන් එරට ඉන්ධන ගබඩාවක සහ පතොරම් ගබඩා කිහිපයක ගින්නක් ද හටගෙන ඇති බවය.
නිවේදනයක් නිකුත් කරමින් ඉරානයේ ඉස්ලාමීය විප්ලවීය ආරක්ෂක බලකාය සඳහන් කළේ, මෙම ප්රහාරය ඉරාන වෙරළබඩ හමුදා කඳවුරු වෙත අමෙරිකාව එල්ල කළ ප්රහාරවලට ප්රතිචාර දැක්වීමේ පළමු අදියර වන බවය.
මේ අතර අමෙරිකාව සහ ඉරාන හමුදා අතර දැවැන්ත මිසයිල සහ ඩ්රෝන ප්රහාර හුවමාරුවක් සිදුව ඇති බව විදෙස් මාධ්ය වාර්තා කර ඇත.
මේ හේතුවෙන්, හෝමූස් සමුද්ර සන්ධිය නැවත විවෘත කිරීමට සහ තවත් දින 60ක සාකච්ඡාවලින් පසුව යුද්ධය අවසන් කිරීම අරමුණු කරගනිමින් පසුගිය මාසයේදී අත්සන් කරන ලද අමෙරිකා-ඉරාන අතුරු ගිවිසුම පිළිබඳව තවදුරටත් සැක මතු වී තිබේ.
විදෙස් මාධ්ය වැඩිදුරටත් වාර්තා කර ඇත්තේ හෝමූස් සමුද්ර සන්ධිය හරහා සිදුවන නාවික ගමනාගමනයේ පාලනය තමන් සතු කර ගැනීමට ඉරානය උත්සාහ කිරීමත් සමඟ මෙම තත්ත්වය උද්ගතව ඇති බවය.
