දැවැන්ත බස් ගාස්තු වැඩි කිරීමක්!

1 min read

රජය විසින් සිදු කරන ලද නවතම ඉන්ධන මිල සංශෝධනයත් සමඟ බස් ගාස්තුව ද වහාම සංශෝධනය විය යුතු බව පෞද්ගලික බස් රථ සංගම් අවධාරණය කර සිටියි.

මෙම තත්ත්වය පිළිබඳව තීරණයක් ගැනීම සඳහා බස් රථ සංගම් අතර විශේෂ සාකච්ඡාවක් අද (22) දින පැවැත්වීමට කටයුතු යොදා ඇත.

ඊයේ මධ්‍යම රාත්‍රියේ සිට ක්‍රියාත්මක වූ මිල සංශෝධනයට අනුව ඩීසල් මිල 26% කින් පමණ ඉහළ ගොස් ඇති බවත්, මීට පෙර අවස්ථාවලදී ද සැලකිය යුතු ලෙස මිල ඉහළ දැමීම හේතුවෙන් බස් කර්මාන්තය දැඩි අර්බුදයකට ලක්ව ඇති බවත් එම සංගම් පෙන්වා දෙයි.

මේ හේතුවෙන් මෙවර අනිවාර්යයෙන්ම බස් ගාස්තු සංශෝධනයක් බලාපොරොත්තු වන බව පවසන බස් රථ හිමියන්, මේ සම්බන්ධයෙන් රජයේ බලධාරීන් සමඟ සාකච්ඡා කර අවසන් තීරණයකට එළඹීමට නියමිත බව වැඩිදුරටත් සඳහන් කළහ.

තොරතුරු එසැණින් දැනගන්න අපගේ නිල WhatsApp සමූහය සමඟ එක්වන්න