එප්ස්ටීන්ගේ ලිපිගොනු තුළ ලංකාවේ නමත්! ඇමරිකානු අධිකරණ දෙපාර්තමේන්තුව පවසයි!
1 min read
පෙබරවාරි 05 – ආන්දෝලනාත්මක ඇමරිකානු කෝටිපති ජෙෆ්රි එප්ස්ටීන් (Jeffrey Epstein) සම්බන්ධ ලිපිගොනු සහ ලේඛන අතර ශ්රී ලංකාවේ නම ස්ථාන 188ක සඳහන්ව ඇති බව ඇමරිකානු අධිකරණ දෙපාර්තමේන්තුවේ නවතම දත්ත වාර්තා පෙන්වා දෙයි. එප්ස්ටීන්ගේ විද්යුත් තැපැල් පණිවිඩ, සංචාරක විස්තර සහ දුරකථන සම්බන්ධතා සටහන් පිළිබඳව සිදුකළ පුළුල් අධ්යයනයකින් මෙම තොරතුරු අනාවරණය වී තිබේ. කෙසේ වෙතත්, මෙම ලේඛනවල ශ්රී ලංකාවේ නම සඳහන් වීම එප්ස්ටීන් විසින් සිදුකරන ලද ලිංගික අපරාධ හෝ වෙනත් නීති විරෝධී කටයුතු සමඟ සෘජු සම්බන්ධතාවක් පවතින බවට මෙතෙක් කිසිදු සාක්ෂියක් ලැබී නොමැති බව නීති විශේෂඥයෝ අවධාරණය කරති.
මෙම ලිපිගොනු පරීක්ෂා කිරීමේදී හෙළිවී ඇත්තේ විවිධ පුද්ගලයින් ශ්රී ලංකාවේ සිදුකළ සංචාරයන්, නවාතැන් ගත් ස්ථාන සහ අධ්යාපනික කරුණු පිළිබඳව සිදුකරන ලද සාමාන්ය සංවාදවලදී ‘ශ්රී ලංකාව’ යන නාමය භාවිත වී ඇති බවයි. විශේෂයෙන්ම එප්ස්ටීන්ගේ නීති විරෝධී ක්රියාකාරකම් සඳහා ශ්රී ලංකාව ප්රධාන මධ්යස්ථානයක් ලෙස භාවිත වූ බවට කිසිදු සාක්ෂියක් මෙතෙක් හමුවී නොමැති බව වාර්තා වේ. අධිකරණ ක්රියාමාර්ගවල කොටසක් ලෙස ප්රසිද්ධියට පත්කළ මෙම ලේඛනවල රටක නමක් හෝ පුද්ගලයෙකුගේ නමක් සඳහන් වූ පමණින් ඔවුන් අපරාධවලට සම්බන්ධ බවට නිගමනය කළ නොහැකි බවත්, ජාත්යන්තර මාධ්ය ආයතන මේ පිළිබඳව තවදුරටත් විමර්ශන පවත්වමින් සිටින බවත් සඳහන් වේ.
පුවත් එසැනින් බලන්න WhatsApp Group එක දැන්ම Follow කරන්න !
