රජයේ ව්යාපාර සඳහා රජය ඇපවී නොගෙවූ ණය ප්රමාණය රු. බිලියන 1080..
1 min read
රජය සතු ව්යවසායයන් වෙනුවෙන් රජය විසින් ඇප වී ඇති, මෙතෙක් පියවා නොමැති ණය ප්රමාණය 2025 වසර අවසන් වනවිට රුපියල් බිලියන 1,080.18ක් දක්වා ඉහළ යනු ඇතැයි මුදල් අමාත්යාංශය පුරෝකථනය කරයි. 2027 වර්ෂය සඳහා අදාළව ඉදිරිපත් කර ඇති මූල්ය ක්රමෝපාය ප්රකාශය මගින් මෙම තොරතුරු අනාවරණය කර ඇත.
මෙම ණය ප්රමාණය පසුගිය වසර තුනක කාලය තුළ මෙරට දළ දේශීය නිෂ්පාදිතයේ (GDP) සාමාන්ය අගයෙන් සියයට 3.59ක් බව එම වාර්තාවේ සඳහන් වේ.
වාර්තාවට අනුව, රජයේ ඇපකර මත ලබාගත් ණය අතරින් වැඩිම හිඟ ණය ප්රමාණයක් වාර්තා වන්නේ ජාතික ජලසම්පාදන හා ජලාපවහන මණ්ඩලය සහ මාර්ග සංවර්ධන අධිකාරිය යන ආයතනවලිනි. ඒ අනුව, ජාතික ජලසම්පාදන හා ජලාපවහන මණ්ඩලය පියවීමට ඇති ණය ප්රමාණය රුපියල් බිලියන 237.69ක් වන අතර, මාර්ග සංවර්ධන අධිකාරිය පියවීමට ඇති ණය ප්රමාණය රුපියල් බිලියන 209.46කි. මීට අමතරව, ශ්රී ලංකා මහ බැංකුව වෙත ලබා දී ඇති නොපියවූ ඇපකර ප්රමාණය රුපියල් බිලියන 201.94ක් ලෙස සටහන් වේ.
මෙම ප්රධාන ආයතන තුනෙහි පියවා නොමැති ණය ප්රමාණය, රජය ඇප වී ඇති සමස්ත නොපියවූ ණය ප්රමාණයෙන් ආසන්න වශයෙන් සියයට 60ක් පමණ වන බව ද මුදල් අමාත්යාංශ වාර්තාව වැඩිදුරටත් පෙන්වා දෙයි.
