බදුල්ල ශික්ෂණ රෝහලේ වෛද්යවරයෙකු අතුරුදන් වෙයි
1 min read
බදුල්ල ශික්ෂණ රෝහලේ නිර්වින්දන විශේෂඥ වෛද්යවරයෙකු අතුරුදන්ව ඇතැයි පොලීසිය පවසයි.
විශේෂඥ වෛද්යවරයා ඊයේ (23) උදෑසන රාජකාරියේ යෙදී සිටි නමුත් ඉන් පසුව මෙලෙස අතුරුදන්ව ඇත.
මේ පිළිබඳව සොයා බැලීමේදී වෛද්යවරයාගේ මෝටර් රථය මහියංගනය දෙසට ධාවනය වන බව මීගහකිවුල ප්රදේශයේ CCTV කැමරාවක සටහන්ව ඇති බවට නිරීක්ෂණය වී ඇත.
එහිදී සිදුකරන ලද වැඩිදුර පරීක්ෂාවේදී වෛද්යවරයාගේ මෝටර් රථය බදුල්ල – මහියංගනය ඇල මාර්ගයේ 17 කනුව මාපාකඩවැව ප්රදේශයේ තිබී ඊයේ රාත්රී සොයාගත් බවද පොලීසිය පැවසීය.
ඒ අනුව අතුරුදන් වූ වෛද්යවරයා සොයා එම ප්රදේශයේ අද දින පොලීසිය, අපරාධ ස්ථාන නිලධාරීන් සහ යුධ හමුදාව එක්ව ඒකාබද්ධ පරීක්ෂාවක් සිදු කිරීමටද නියමිත බවද පොලීසිය වැඩිදුරටත් සඳහන් කළේය.
Please follow and like us:
