ලක්ෂ 12කට Vitz මෝටර් රථ ලබා දෙනවා කියන්නේ පිස්සන් – නියෝජ්ය ඇමති නලින් හේවගේ
1 min read
තමන් කිසිදු අවස්ථාවක ලක්ෂ 12කට Vitz මාදිලියේ මෝටර් රථ ලබා දෙන බවට ප්රකාශයක් සිදු නොකළ බව නියෝජ්ය අමාත්ය නලින් හේවගේ ප්රකාශ කර ඇති බව වාර්තා වේ.
ඒ අනුව සමාජ මාධ්ය ඔස්සේ පැතිර යන මෙම ප්රචාරයන් සම්බන්ධයෙන් අදහස් දක්වමින් ඔහු පවසා ඇත්තේ එවැනි ප්රකාශ සිදු කරන්නේ ‘පිස්සන්’ බවයි.
එමෙන්ම තමන් එවැනි පොරොන්දුවක් ලබා දුන් බව පවසන පිරිස් වෙත අභියෝග කරමින් අමාත්යවරයා කියා ඇත්තේ, අවශ්ය නම් තමන් මීට පෙර සිදු කළ ප්රකාශ ඇතුළත් වීඩියෝ දර්ශන හොඳින් පරීක්ෂා කර බලන ලෙසයි.
ඔහු සහතික වූයේ තමන් හෝ තම දේශපාලන කණ්ඩායම ජනතාවට කිසිදු අසත්යයක් ප්රකාශ කර නොමැති බවටයි.
එසේම මන්ත්රීවරුන්ට හිමිවන වාහන බලපත්ර සම්බන්ධයෙන් අදහස් දක්වමින් හේවගේ මහතා සඳහන් කර ඇත්තේ, වත්මන් රජයේ මන්ත්රීවරුන් 159 දෙනා එම බලපත්ර ලබා ගත්තේ නම් විශාල මුදලක් උපයා ගැනීමට හැකියාව තිබූ බවයි.
ඒ අනුව එක් බලපත්රයකින් රුපියල් කෝටි 5ක පමණ වාසියක් ලැබිය හැකිව තිබූ බවත්, මන්ත්රීවරුන් 159 දෙනාට කෝටි 7කට අධික මුදලක් බලපත්ර විකිණීමෙන් හෝ භාවිතයෙන් උපයා ගත හැකිව තිබූණද ජනතාව සඳහා එම වරප්රසාදය අත්හළ බවත් ඔහු පැවසූ බව වාර්තා වේ.
