ධනවාදයේ අවසන් කාර්තුව අරම්භ වෙමින් ඇත!
1 min read
යුරොපා සහ ඇමරිකානූ ආදිපත්යය ලෝකයෙන් අවසන් වෙමින් පවතී. ගෝලීය දේශපාලන සිතියම උඩුයටිකුරු කරමින්, යුරෝපය සමඟ සිදු කරන සියලුම අනාගත ගෑස් සහ තෙල් ගනුදෙනු සඳහා මින් ඉදිරියට චීන යුවාන් මුදල් ඒකකය පමණක් භාවිතා කරන බව රුසියාව නිල වශයෙන් නිවේදනය කර තිබේ.
මෙය හුදෙක් මුදල් හුවමාරුවක් පිළිබඳ තීරණයකට වඩා, දශක ගණනාවක් පුරා ලෝක වෙළඳපොළ පාලනය කළ ඇමරිකානු ඩොලරයේ සහ යුරෝ ඒකාධිකාරයට එල්ල කළ දැවැන්ත අභියෝගයකි.
බටහිර රටවල් පනවා ඇති ආර්ථික සම්බාධක හමුවේ තම බලශක්ති අපනයනය සුරක්ෂිත කර ගැනීමටත්, බටහිර මූල්ය පද්ධතියෙන් මුළුමනින්ම ස්වාධීන වීමටත් රුසියාව ගත් මෙම තීරණය “ඩොලරයෙන් බැහැර වීමේ” (De-dollarization) ක්රියාවලිය තීරණාත්මක ලෙස වේගවත් කර ඇත.
විශ්ලේෂකයින් පෙන්වා දෙන්නේ රුසියාව සහ චීනය අතර පවතින මෙම උපායමාර්ගික සබඳතාවය හරහා යුරෝපීය රටවල් දැඩි අර්බුදයකට ඇද දමා ඇති බවයි. යුරෝපයට තමන්ට අවශ්ය බලශක්ති සැපයුම අඛණ්ඩව ලබා ගැනීමට නම්, මින් ඉදිරියට බටහිර බැංකු පද්ධතියෙන් බැහැරව චීන මූල්ය ක්රමවේදයන්ට අනුගත වීමට සිදු වේ. මෙය හුදෙක් ආර්ථික ගනුදෙනුවක් නොව, ලෝක බල කේන්ද්රය බටහිරින් පෙරදිගට විතැන් වීමේ පැහැදිලි භූ-දේශපාලනික සලකුණකි. තමන්ට එරෙහි සම්බාධක මගහැරීමට විකල්ප වෙළඳපොළවල් සහ ශක්තිමත් මූල්ය මෙවලම් පවතින බව රුසියාව ලෝකයටම ඔප්පු කර හමාරය.
මෙම ඓතිහාසික වෙනසත් සමඟ ජාත්යන්තර වෙළඳාමේදී භාවිතා වන සම්ප්රදායික මුදල් ඒකකවල අනාගතය පිළිබඳව අලුත්ම විවාදයක් නිර්මාණය වී ඇත.
රුසියාවේ මෙම නව කොන්දේසිවලට අනුගත වීමට යුරෝපයට සිදුවීම, දිගුකාලීනව ලෝක ආර්ථිකයේ ස්ථාවරත්වයට මෙන්ම බලශක්ති මිල ගණන් තීරණය වීමට ද සෘජුවම බලපානු ඇත. 2026 වසරේ අප දකින්නේ පැරණි බල කේන්ද්ර බිඳවැටී, නව පෙරදිග ආර්ථික බලවේග ලෝකයේ තීරකයා බවට පත්වන අයුරුයි.
- චීනය සමඟ වෙළඳ ගනුදෙනුවලින් 66% ක් යුඅන් හෝ රුබල් වලින් සිදු කරනවා.
- රුසියාවේ රාජ්ය ධන නිධියේ 60% ක් යුඅන් වලින් සමන්විතයි.
අවසාන සිදුවීම් දෙක හරියට බලන්න යුරෝපය සහ ඇමරිකානූ ආදීපත්යය ලෝකයෙන් අවසන් වෙමින් ඇත..
