ඖෂධ මිල ඉහළ දැමීමේ සූදානමක්
1 min read
රුපියලට සාපේක්ෂව එක්සත් ජනපද ඩොලරයේ අගය ඉහළ යාම ඇතුළු තවත් කාරණා හේතුවෙන් ඖෂධ මිල යම් ප්රතිශතයකින් ඉහළ දැමීම සම්බන්ධව සෞඛ්ය අමාත්යාංශයේ අවධානය යොමුවී ඇත.
අවසන් වරට ඖෂධ මිල ඉහළ දැමීමට අවසරය ලබාදී ඇත්තේ මීට වසර පහකට පෙරදීය. එනම්, ඉකුත් 2023 වසරේ ජූනි මාසයේදීය. සෑම වසර පහකටම වරක් ඖෂධ මිල ඉහළ දැමීමට අවසරය ලබා දෙන බව සෞඛ්ය අමාත්යාංශයේ ආරංචිමාර්ග කියයි. එමෙන්ම, එක්සත් ජනපද ඩොලරයේ මිල ගණන් ඉහළ යාම ආදී කාරණාද, ඖෂධ මිල ඉහළ දැමීම සම්බන්ධව සලකා බැලීමට හේතුපාදක වී තිබේ.
ඩොලරයේ අගය පසුගිය දිනවල රුපියල් 354 ක් දක්වා ඉහළ යාමත් සමග ඖෂධ මිල සියයට 20 කින් ඉහළ දමන ලෙස බටහිර ඖෂධ දේශීය නිෂ්පාදකයන්ගේ සංගමය සෞඛ්ය අමාත්යාංශයෙන් ඉල්ලීමක් ද සිදුකර ඇත.
ඖෂධ නිෂ්පාදනයට අදාළ අමුද්රව්ය ආනයනය කිරීමේදී විශාල මුදලක් වැය කිරීමට සිදුවී ඇතැයි ද එම සංගමයේ සාමාජිකයන් කියා සිටිති.
ලෝකයේ බොහෝ රටවල ඖෂධ මිල ගණන් ඉහළ යාම හේතුවෙන් මෙරට ඖෂධ සැපැයුම්කරුවන් බොහෝ දෙනකු ඖෂධ ආනයනයට අදාළ ටෙන්ඩර් සඳහා ඉදිරිපත්වීමට මැලිකමක් දක්වන බවට ද තොරතුරු අනාවරණය වේ.
ඩොලරයේ අගය ඉහළ යාම නිසා ඖෂධ මිල ගණන් වැඩිවීම පාලනය කිරීමට මැදිහත් වන ලෙස ශ්රී ලංකා ඖෂධ කර්මාන්ත වානිජ මණ්ඩලයද සෞඛ්ය අමාත්යාංශයෙන් ඉල්ලීමක් කර තිබේ. මේ සියලු කරුණු සලකා බලා ජනතාවට අසාධාරණයක් සිදු නොවන පරිදි මිල සූත්රය යටතේ ඖෂධ මිල ඉහළ දැමීමට සෞඛ්ය අමාත්යාංශය අවධානය යොමුකර ඇත.
ඖෂධ වර්ග සියයක පමණ මිල සෞඛ්ය අමාත්යංශය විසින් පාලනයට ලක් කර ඇත.
