එල් නිනෝ තර්ජනය වර්ධනය වෙයි.. ලංකාවත් බලපෑම ටිකෙන් ටික වැඩිවේ..
1 min read
ලෝක ව්යාප්තව දැඩි කාලගුණික තත්ත්වයන් ඇති කළ හැකි, වර්ධනය වෙමින් පවතින එල් නිනෝ (El Niño) කාලගුණික සංසිද්ධිය නිසා ඇති විය හැකි බලපෑම් සඳහා ශ්රී ලංකාව සූදානම් විය යුතු බව පේරාදෙණිය විශ්වවිද්යාලයේ ජ්යෙෂ්ඨ මහාචාර්ය බුද්ධි මාරඹේ මහතා අනතුරු අඟවයි.
මාධ්ය වෙත අදහස් දක්වමින් ඔහු පැවසුවේ, පැසිෆික් සාගරයේ දැනට වර්ධනය වෙමින් පවතින එල් නිනෝ තත්ත්වය මේ වන විට දුර්වල මට්ටමක පැවතුණද, ඉදිරි මාසවලදී එය තවදුරටත් වර්ධනය වනු ඇතැයි අපේක්ෂා කරන බවයි.
එල් නිනෝ යනු මධ්යම සහ නැගෙනහිර නිවර්තන පැසිෆික් සාගරයේ මතුපිට ජලය අසාමාන්ය ලෙස රත් වීම නිසා ඇති වන ස්වාභාවික කාලගුණික රටාවකි. එමගින් ලොව පුරා සාමාන්ය කාලගුණික රටාවන් වෙනස් විය හැකි අතර, ඇතැම් ප්රදේශවලට නියඟ තත්ත්වයන්ද, තවත් ප්රදේශවලට අධික වර්ෂාපතනයක් හා ගංවතුර තත්ත්වයන්ද ඇති කරමින් කෘෂිකර්මාන්තයට, ජල සම්පතට සහ පරිසර පද්ධතිවලට බලපෑම් එල්ල කරයි.
මහාචාර්ය මාරඹේ මහතා සඳහන් කළේ ශ්රී ලංකාවේ ප්රදේශ කිහිපයකට දැනටමත් දැඩි වියළි කාලගුණයක් පවතින බවත්, ජල මූලාශ්ර සිඳී යාම නිසා වගාබිම්වලට බලපෑම් එල්ල වී ඇති බව ගොවීන් වාර්තා කර ඇති බවත්ය.
මේ අතර, එල් නිනෝ හේතුවෙන් ඇති විය හැකි කාලගුණික වෙනස්වීම් හමුවේ මතුවන ආපදා තත්ත්වයන්ට මුහුණ දීම සඳහා බලධාරීන් සැලසුම් සකස් කරමින් සිටින බව ආපදා කළමනාකරණ මධ්යස්ථානයේ (DMC) අධ්යක්ෂ ජනරාල් විශ්රාමික මේජර් ජෙනරාල් සම්පත් කොටුවේගොඩ මහතා පැවසීය.
විභව ආපදා තත්ත්වයන්ට මුහුණ දීම සඳහා ශ්රී ලංකාවේ සූදානම පිළිබඳව රජයේ මුදල් පිළිබඳ කාරක සභාව හමුවේ නැගුණු ප්රශ්නවලට පිළිතුරු දෙමින් ඔහු මේ බව සඳහන් කළේය.
එම කාරක සභා රැස්වීමේදී අනාවරණය වූයේ පාර්ලිමේන්තු පනතකින් ස්ථාපිත කරන ලද ආපදා කළමනාකරණ අරමුදල මෙතෙක් සම්පූර්ණයෙන් ක්රියාත්මක කර නොමැති බවයි.
