ඇමෙරිකානු පැසිෆික් ගුවන් හමුදාපති ජෙනරාල් කෙවින් ස්නයිඩර් තෙදින නිල සංචාරයක් සඳහා දිවයිනට..
1 min read
පැසිෆික් ගුවන් හමුදා අණදෙන නිලධාරියා ලෙස ජෙනරාල් ස්නයිඩර් එම කලාපයේ සිටින සියලුම ඇමෙරිකානු ගුවන් හමුදා නිලධාරීන් සහ සෙබළුන් මෙන්ම යුධ උපකරණ අධීක්ෂණය කරනු ලබන ප්රධානියා වෙයි.
ජූනි 21 සිට 24 දක්වා ක්රියාත්මක වන මෙම සංචාරයේදී ජෙනරාල් ස්නයිඩර් මහතා ආරක්ෂක අමාත්යාංශයේ සහ ශ්රී ලංකා ගුවන් හමුදාවේ ඉහළ පෙළේ නිලධාරීන් ඇතුළු ශ්රී ලංකා රජයේ සහ ආරක්ෂක අංශයේ ජ්යෙෂ්ඨ නායකයින් රැසක් හමුවී සාකච්ඡා පැවැත්වීමට නියමිතය.
ගුවන් සහ සමුද්රීය කලාපීය දැනුවත්භාවය ඉහළ නැංවීම, සයිබර් ආරක්ෂණ කටයුතු, ආපදා ප්රතිචාර දැක්වීම සහ කලාපීය ආරක්ෂාව යන ක්ෂේත්රයන්හි ද්විපාර්ශ්වික සහයෝගීතාව පුළුල් කිරීම පිළිබඳව මෙහිදී විශේෂ අවධානයක් යොමුකෙරෙනු ඇත.
ජෙනරාල් ස්නයිඩර්ගේ මෙම සංචාරය, ඒකාබද්ධ යුධ අභ්යාස, මිලිටරි හුවමාරු වැඩසටහන් සහ අඛණ්ඩව පැවැත්වෙන ඉහළ පෙළේ සාකච්ඡා මත පදනම් වූ දෙරටේ ද්විපාර්ශ්වික සබඳතාවන්හි තවත් එක් සන්ධිස්ථානයක් සනිටුහන් කරන්නකි.
කලාපයේ සාමය, ආරක්ෂාව සහ සමෘද්ධිය ආරක්ෂා කිරීම සඳහා වන සාමූහික ප්රයත්නයේදී ශ්රී ලංකාව අත්යවශ්ය සහ ප්රමුඛතම හවුල්කරුවකු ලෙස ඇමෙරිකා එක්සත් ජනපදය පිළිගන්නා බව ද මෙහිදී අවධාරණය කෙරේ.
