අමෙරිකානු ප්රහාරවලට ප්රතිචාර ලෙස ඉරානයෙන් කුවේටයේ සහ බහරේනයේ පිහිටි ඇමරිකානු හමුදා කඳවුරුවලට ප්රහාර මාලාවක්..
1 min read
හෝමුස් සමුද්ර සන්ධියේදී සිදුවූ වෙළඳ නෞකා ප්රහාරත් සමඟ දෙරට අතර පැවති බිඳෙනසුලු සටන් විරාමය අවසන් වූ බව ඇමරිකානු ජනාධිපති ඩොනල්ඩ් ට්රම්ප් ප්රකාශ කර තිබේ.
ඉන් පැය කිහිපයකට පසු ඇමරිකාව විසින් ඉරානයේ න්යෂ්ටික බලාගාර පිහිටි බුෂෙහර් කලාපයට මෙන්ම චබහාර් සහ බන්ඩර් අබ්බාස් ඇතුළු දකුණුදිග වරාය නගර වෙත දැවැන්ත ගුවන් ප්රහාර මාලාවක් දියත් කර ඇත. මෙම ප්රහාරවල ප්රධාන අරමුණ ලෝකයේ තෙල් සහ ස්වභාවික වායු ප්රවාහනයෙන් පහෙන් එකකට දායක වන හෝමුස් සමුද්ර සන්ධියේ නාවික නිදහස ආරක්ෂා කිරීම බව ඇමරිකානු හමුදා බලධාරීන් පවසයි.
ඇමරිකාවේ මෙම ක්රියාමාර්ගයට ප්රතිචාර දක්වමින් ඉරාන ඉස්ලාමීය විප්ලවීය ආරක්ෂක බලකාය විසින් කුවේට් සහ බහරේන් රාජ්යයන්හි පිහිටි ඇමරිකානු හමුදා කඳවුරු ඉලක්ක කර ගනිමින් එක රැයකින් ප්රතිප්රහාර මාලාවක් එල්ල කර ඇති අතර, එහි වගකීමද ඔවුන් නිල වශයෙන් භාරගෙන තිබේ.
ගිවිසුම් කඩකළ ඇමරිකානුවන්ට එරෙහිව දියත් කළ දණ්ඩනීය ප්රතිචාරයේ පළමු අදියර මෙය බව පවසන ඉරානය, ඇමරිකාවේ ආක්රමණශීලී පිළිවෙත තවදුරටත් අඛණ්ඩව සිදුවුවහොත් කලාපය පුරා විසිරී ඇති අනෙකුත් ඇමරිකානු ඉලක්ක වෙතද ඉදිරියේදී ප්රහාර එල්ල කරන බවට දැඩි අනතුරු ඇඟවීමක් කර ඇත.
මේ අතර ඉරානයෙන් එල්ල විය හැකි මිසයිල ප්රහාර පිළිබඳ බිය හේතුවෙන් කුවේටය, බහරේනය සහ කටාර් යන රටවල මිසයිල අනතුරු ඇඟවීමේ සංඥා නිකුත් කර ඇති අතර, තමන් වෙත පැමිණෙන ඩ්රෝන සහ මිසයිල සාර්ථකව විනාශ කිරීමට කටයුතු කරන බව කුවේට් හමුදාව ප්රකාශ කර තිබේ. මෙම නවතම ගැටුම්කාරී තත්ත්වය හේතුවෙන් සමස්ත මැදපෙරදිග කලාපයම මේ වන විට දැඩි යුද උණුසුමකට පත්ව ඇත.
