ඉදිකිරීම් PMI දර්ශකය 45.7 දක්වා පහළ යයි.. අමුද්රව්ය හිඟය හා පිරිවැය ඉහළ යාමෙන් ඉදිකිරීම් ක්ෂේත්රය අර්බුදයක..
1 min read
ඉදිකිරීම් ක්ෂේත්රය සඳහා වන ශ්රී ලංකා ගැනුම් කළමනාකරුවන්ගේ දර්ශකයේ (PMI – Construction) සමස්ත ක්රියාකාරකම් දර්ශකය 2026 අප්රේල් මාසයේදී දර්ශකාංක 45.7 දක්වා පහළ ගොස් තිබේ. සිංහල සහ දෙමළ අලුත් අවුරුදු සමයට අදාළ සාම්ප්රදායික මන්දගාමීතාවය මෙයට ප්රධාන වශයෙන් බලපා ඇති බව සමීක්ෂණය පෙන්වා දෙයි.
විශේෂයෙන් ඛනිජ තෙල් මත පදනම් වූ රසායනික අමුද්රව්ය හිඟය සහ මැදපෙරදිග පවතින ගැටුම්කාරී තත්ත්වයන් හේතුවෙන් පිරිවැය ඉහළ යාමත් සමග සැලසුම් කළ ඉදිකිරීම් කටයුතු නියමිත කාලයට සිදු කිරීමට අභියෝග මතුව ඇති බව ප්රතිචාර දක්වූ බහුතරයක් සඳහන් කර ඇත.
එසේ වුවද, මාර්ග ප්රතිසංස්කරණ ඇතුළු ව්යාපෘති ප්රදානයන් ඉහළ මට්ටමක පැවතීම හේතුවෙන් නව ඇණවුම් දර්ශකය මෙම මාසයේදී වර්ධනයක් පෙන්නුම් කරයි. කෙසේ වෙතත්, ඉහළ යන අමුද්රව්ය පිරිවැය හේතුවෙන් මිල නැවත සාකච්ඡා කිරීමට සිදුවීම නිසා ඇතැම් ව්යාපෘති ප්රමාද විය හැකි බවද වාර්තා වේ.
ව්යාපෘති ලබාගැනීමේ ස්ථාවරතාවය හේතුවෙන් සමාගම් සේවක බඳවාගැනීම් ඉහළ නංවා ඇති අතර සේවා නියුක්ති දර්ශකයද තවදුරටත් ඉහළ ගොස් ඇත. එසේ වුවද පුහුණු ශ්රමික හිඟය තවමත් ක්ෂේත්රයේ ප්රධාන අභියෝගයක් ලෙස පවතින බව සමීක්ෂණය සඳහන් කරයි.
