වෛද්‍යවරයකුගේ හදවත!

ඉස්සර ගං වතුර දාන වාරයක් පාසා අපි staff එක උස්සන්, වාහන හොයන්, බෙහෙත් අරන්, කන්න අරන් Army / Navy / Air force උදව්වෙන් බෝට්ටු වල පවා ගිහින් අවතැන් වූවන්ට ප්‍රතිකාර කරන්න ගියා.

කිසිම දවසක එහෙම යනවාට මූල්‍යමය හෝ වෙනත් ප්‍රතිලාභයක් මේ සේවකයෝ ලබලා නෑ.
අඩු ගානේ එහෙම එකක් ගැන හිතිලාවත් නෑ.

ගිය අවුරුදු ගානම හැම දිස්ත්‍රික්කයේ ම මේ වගේ වැඩසටහන් සංවිධානය කරන්න බොහෝ සෞඛ්ය කාර්යය මණ්ඩලය කැප උනා.

අවතැන් වූවන් බේරා ගන්න, කඳවුරු සපයන්න, ආහාර සපයන්න, ජිවිතේ පරදුවට තියලා අපේ Army, Navy, Air force, STF, Police කොල්ලො ටික හැමදාමත් කැප උනා. ඕනම ස්වාභාවික අනතුරකදී මිනිස්සුන්ට පිහිටට ආවේ අපේම කොල්ලො ටික.

ඒ වගේ හදිසි වෙලාවක එයාලා අනුමැතිය හොයන්න, නිවාඩු හොයන්න ගියේ නෑ.
යන staff එකේ නම් List එකක් දුන්නා, දුවලා ගියා.
කිසිම ඉහළ නිලධාරියෙක් ඒ වගේ කැප වෙන සේවකයන්ට අංචී අදින්න ගියේ නෑ.

ඒත් දැන් ඒ සංස්කෘතිය ඉවරයි නේ.
රජයේ නිසි අනුමැතිය නැතුව පණ්ඩිත වැඩ ඕනේ නෑ නේ.

දැන් නම් ඉහලින් මේ වගේ සේවාවක් ලබා දෙන්න කියලා පාර්ලිමේන්තුව අනුමත කරලා, Staff එකට නම් වශයෙන් ලියුම් ඇවිත්, Duty leave approve වෙලා, අවශ්‍ය වාහන, බෙහෙත්, ආහාර රජයෙන් අවසර ඇතුව සපයලා දෙනකන් කිසි කෙනෙක් පැනගෙන, සල්ලි එකතු කරන් යන්න ඕනේ නෑ නේ.
නිකන් ටින් කිරි ගාගන්නේ මොකටද.

ආහ් අමතක උනා නේ..

දැන් ඔක්කොම එකයි නේ.
කිසිම රස්සාවක් විශේෂ නෑ නේ 🫡

Army එකේ අය, පොලිසියේ අය,
Air force, Navy, සෞඛ්ය අයත් හැමෝම අද නිවාඩු නේද?

අත්‍යවශය සේවා කියලා එකක් මේ රටට ඕනේ නෑ ලු නේ. කිසි එකෙක් විශේෂ නෑ ලු නේ..
ඕකුන්ට මොකටද විශේෂ සැලකිලි 💥

“දෙයියනේ කියලා අපිටත් උදේ 9ට විතර නැගිටලා Facebook එකේ ගිහින් පොර talks දිදී දවස ගත කරන්න පුළුවන් හෙට නම්..”

කියලා ලියලා මේ Facebook post එක දාලා ඊළඟට මම යන්නේ Doctors WhatsApp group වලට,

“හෙට Flood Relief Medical Duty යන්න ලෑස්ති වෙයල්ලා..” කියලා මැසේජ් දාන්න. දැන් පාන්දර 4යි

මොකද වෘත්තිකයෝ ගැන ද්වේශය පතුරලා, පන්ති අතර භේද භින්න හදලා වාසි ගන්න පුළුවන් කියලා හිතන සුළුතරයක් කුහකයෝ හිටියට, මේ රටේ ජනතාව එක්ක බැඳිච්ච සහ සම්බන්ධයක්, කරුණාවක් වගේම වගකීමක් සෞඛ්‍යයේ අපිටත් තියෙනවා..

මොකා මොනවා කිවුවත් රටේ ව්‍යසනයක් ආවම පපුව කැකෑරෙන උන් අනන්ත මේ සෞඛ්‍යයේ ඉන්නවා. Inquiry වැටුනත් උන් ටික මිනිස්සුන්ට උදවු කරන්න එනවා ඒකාන්තයි.

හැමෝම පරිස්සමින්.
පුළුවන් විදියට අපි අපිට උදව් කරගෙන මේ අමාරු කාලේ ගත කරගමු..
කාගේවත් Radical talks වලට අපේ තියෙන මානුෂීය ගති විනාශ කර නොගෙන ඉමු

උපුටා ගැනීම: වෛද්‍ය චරිත ගාල්ලලේ ෆේස්බුක් පිටුවෙන් (Dr.CV)