මහින්ද ජයසිංහ ඉවතට!
1 min read
‘මව්බිම“ පුවත්පතේ මාධ්‍යවේදිනියකට මානසිකව හිරහැර කිරීමේ චෝදනාවට ලක්ව සිටින නියෝජ්‍ය අමාත්‍ය මහින්ද ජයසිංහ, එම තනතුරෙන් ඉවත් කිරීමට ජනාධිපතිවරයා සහ ජ.වි.පෙ. ප්‍රධාන ලේකම්වරයා අතර සාකච්ඡා වී තිබේ.
අදාළ මාධ්‍යවේදිනිය, අනුර කුමාර ජනාධිපතිවීමට පෙර ඉතා සමීපව ඇසුරු කර ඇතත්, ඔහු ජනාධිපති ධුරයට පත්වීමෙන් පසු පැවැති සමීප බව බිඳ වැටී තිබේ. මහින්ද ජයසිංහගේ වාචික හින්සනයට ලක්වීමෙන් පසුව, ඇය ඒ පිළිබඳ පැමිණිල්ල සිදුකර ඇත්තේ ජ.වි.පෙ. ප්‍රධාන ලේකම් ටිල්වින් සිල්වා වෙතය. පසුව ටිල්වින් සහ ජනාධිපති අනුර මේ ගැන සාකච්ඡා කර, මහින්ද ජයසිංහට දැඩි ලෙස අවවාද කර තිබේ. ජනාධිපතිවරයාගේ යෝජනාව වී ඇත්තේ මහින්ද ජයසිංහව ඇමති තණතුරෙන් ඉවත් කළ යුතු බව ය.
එහෙත්, ජ.වි.පෙ. ප්‍රධාන ලේකම්වරයා ඒ පිළිබඳව ඉදිරි දේශපාලන මණ්ඩල රැස්වීමක දී සාකච්ඡා කර තීරණය ගැනීම සුදුසු බව පෙන්වා දී තිබේ.
ඒ අනුව, ඉදිරි දිනෙක පැවැත්වෙන ජ.වි.පෙ. දේශපාලන මණ්ඩල රැස්වීමේදී මහින්ද ජයසිංහගේ ”ඉරණම” තීරණය වනු ඇතැයි ජ.වි.පෙ. අභ්‍යන්තර ආරංචි මාර්ග පෙන්වා දේ.