කළුතර ප්රා. සභාවේ පන්සිල්, ජාතික ගීය සහ රණවිරු සැමරුම් තහනම්.. – නියෝගය කොමසාරිස්ගෙන්..
1 min read
කළුතර ප්රාදේශීය සභාවේ න්යාය පත්රයෙන් පන්සිල් ගැනීම, ජාතික ගීය ගායනා කිරීම සහ රණවිරුවන් සැමරීම සඳහා විනාඩියක නිශ්ෂබ්දතාව යන අංග ත්රිත්වය ඉවත්කරන බව එම සභාවේ සභාපතිවරයා විසින් සභාවට දන්වා ඇත.
දීර්ඝ කාලීනව න්යායපත්රයේ අන්තර්ගත වූ ජාතික සහ සංස්කෘතික වැදගත්කම් සහිත අංග සඳහා සුළු වේලාවක් වැය කිරීමේ ගැටළුව කුමක්දැයි ප්රශ්න කිරීමේ දී සභාපතිවරයා විසින් සභාවට දන්වා ඇත්තේ එය පළාත් පාලන කොමසාරිස් වරයාගේ ලිඛිත නියෝගයක් බවය. නමුත් එම ලිපිය සභාවට ඉදිරිපත් කිරීම සඳහා සභාපතිවරයා මැලිවන බවට සභිකයින්ගෙන් චෝදනා එල්ල වී ඇත.
ඒ අනුව එම සභිකයින් සඳහන් කරන්නේ අදාළ නියෝගය ප්රදේශයේ සුළු ජාතික ජාතිවාදී දේශපාලන බලවේගවල උවමනාව මත සිදුවන්නක් විය හැකි බවය. කෙසේවෙතත් එවැනි නියෝගයක් ජනාධිපතිවරයා විසින් නිකුත් කළද තමන් පුදුම නොවන ලංකා ලීඩර් වෙත අදහස් දැක්වූ නම සඳහන් කිරීමට අකමැති වූ ප්රදේශීය සභා මන්ත්රීවරයකු සඳහන් කළේය.
