මන්ත්රී වැටුප් වැඩි කලේ නෑ.. වැඩි කල ඉන්ධන මිලට හරියන්න ඉන්ධන දීමනාව ගැලපුවා විතරයි..- නි. ඇමති
1 min read
පාර්ලිමේන්තු මන්ත්රීවරුන්ගේ මාසික වැටුප් වැඩිකිරීමක් සිදුකර නොමැති බවත්, සිදුව ඇත්තේ රජයේ නිලධාරීන්ට හිමි ඉන්ධන දීමනාව වත්මන් වෙළඳපොළ මිලට අනුව යාවත්කාලීන කිරීම පමණක් බවත් ආර්ථික සංවර්ධන නියෝජ්ය අමාත්ය නිශාන්ත ජයවීර මහතා පවසයි.
පාර්ලිමේන්තුවේදී අදහස් දක්වමින් නියෝජ්ය අමාත්යවරයා මේ බව අවධාරණය කළේය.
මන්ත්රී වැටුප් ඉහළ දමා ඇති බවට සමාජය තුළ පැතිර යන වාර්තා ප්රතික්ෂේප කරමින් ඔහු කියා සිටියේ, ඉන්ධන දීමනාව හිමි සියලුම රජයේ නිලධාරීන් සඳහා එම දීමනාව වත්මන් මිල ගණන්වලට ගැලපීමට රජය තීරණය කළ බවයි.
“පාර්ලිමේන්තු මන්ත්රීවරුන්ගේ වැටුප කිසිසේත්ම වැඩි කරලා නැහැ. නමුත් රටේ ආර්ථිකය යහපත් තත්ත්වයට පත්වීමත් සමඟ, ඉන්ධන දීමනාව හිමි රජයේ නිලධාරීන්ට ලැබෙන මුදල වර්තමාන මිලට ගැලපීමට රජය පියවර ගත්තා. ඒ අනුව ඉන්ධන දීමනාව ලබන සියලුම නිලධාරීන්ගේ මාසික ආදායමේ යම් වැඩිවීමක් දක්නට ලැබෙනවා. එය මන්ත්රීවරුන්ටත් පොදු තත්ත්වයක්,” යනුවෙන් ජයවීර මහතා වැඩිදුරටත් පැහැදිලි කළේය.
