ඇමරිකාව විශ්වාස කළ නොහැකි බව පවසමින් රුසියාව සහ චීනය සාම ගිවිසුමට මැදිහත් කරගන්නැයි ඉරානයෙන් නිල ඉල්ලීමක් !
1 min read
ඇමරිකා එක්සත් ජනපදය සමඟ ඇති කර ගැනීමට නියමිත නව සාම අවබෝධතා ගිවිසුමේ (Ceasefire MOU) නිල ඇපකරුවන් සහ සම-අත්සන්කරුවන් (Official guarantors and co-signers) ලෙස කටයුතු කරන ලෙස ඉරානය රුසියාවෙන් සහ චීනයෙන් නිල වශයෙන් ඉල්ලා තිබෙනවා. දැනට ක්රියාත්මක වන මෙම බිඳෙනසුලු සටන්විරාම ගිවිසුමේ නියමයන් වොෂින්ටනය (ඇමරිකාව) විසින් ඉදිරියේදී උල්ලංඝනය කිරීම වැළැක්වීම සඳහා මෙම ලෝක මහා බලවතුන් දෙදෙනා ස්ථිර නිරීක්ෂකයන් ලෙස සම්බන්ධ කර ගැනීම අත්යවශ්ය බවයි ටෙහෙරානය (ඉරානය) අවධාරණය කර සිටින්නේ.
මීට පෙර ඇමරිකාව විවිධ ජාත්යන්තර ගිවිසුම්වලින් ඒකපාර්ශ්විකව ඉවත් වූ ඉතිහාසය සැලකිල්ලට ගනිමින්, මෙවර ගිවිසුමේ ආරක්ෂාව සහ ස්ථාවරත්වය තහවුරු කර ගැනීමට ඉරානය මෙම රාජ්යතාන්ත්රික පියවර ගෙන තිබෙනවා. රුසියාව සහ චීනය වැනි ප්රබල රාජ්යයන් දෙකක් සාම ක්රියාවලියේ සහතිකකරුවන් ලෙස මැදිහත් කරගැනීම හරහා ඇමරිකාවට එල්ල වන ජාත්යන්තර බලපෑම ඉහළ නැංවීම ඉරානයේ මූලික අරමුණ වී ඇති අතර, මෙම නවතම දේශපාලන හැරවුම හේතුවෙන් මැදපෙරදිග කලාපීය බල තුලනය පිළිබඳව ජාත්යන්තරයේ දැඩි අවධානයක් යොමුව තිබෙනවා.
