ඉරාන නෞකාවට එල්ල වූ ඇමරිකානු ප්රහාරය සැලසුම් සහගතයි! ඉන්දියාවේ හිටපු විදේශ ලේකම් කන්වාල් සිබල්
1 min read
ශ්රී ලංකා වෙරළට ඔබ්බෙන් වූ මුහුදු තීරයේදී ඉරාන නෞකාවකට එල්ල වූ ඇමරිකානු සබ්මැරීන් ප්රහාරය, කල්තියා සැලසුම් කරන ලද මෙහෙයුමක් බව ඉන්දියාවේ හිටපු විදේශ ලේකම් කන්වාල් සිබල් මහතා අනාවරණය කරයි. ඉන්දියාවේ සත්කාරකත්වයෙන් පැවැත්වූ ‘මිලාන්’ (Milan) නාවික අභ්යාසය සඳහා ඉරාන නෞකාව පැමිණ සිටි බව ඇමරිකානු පාර්ශවය හොඳින්ම දැන සිටි බවත්, මෙම ප්රහාරය අහම්බයක් නොවන බවත් හෙතෙම අවධාරණය කර සිටියි.
සිබල් මහතා වැඩිදුරටත් පෙන්වා දෙන්නේ, අදාළ නාවික අභ්යාසය සඳහා ඇමරිකානු නාවික හමුදාවටද ආරාධනා කර තිබූ නමුත්, ඔවුන් අවසන් මොහොතේ ඉන් ඉවත් වීමට තීරණය කළ බවයි. බොහෝ විට මෙම හදිසි ඉවත් වීම ඉරාන නෞකාව ඉලක්ක කරගත් ප්රහාරය දියත් කිරීමේ අරමුණින් සිදු වූවක් බවට ඔහු සැක පළ කරයි.
මෙම ප්රහාරය සම්බන්ධයෙන් ඉන්දියාව දේශපාලනිකව හෝ හමුදාමය වශයෙන් කිසිදු වගකීමක් දැරිය යුතු නැති බව සිබල් මහතා ප්රකාශ කළද, එහි යම් සදාචාරාත්මක සහ මානුෂීය වගකීමක් ඉන්දියාව සතු වන බව ඔහු පිළිගනී. ඊට හේතුව ලෙස ඔහු දක්වන්නේ, ඉන්දියාවේ නිල ආරාධනය නොතිබුණේ නම් ඉරාන නෞකාව එම කලාපයට නොපැමිණෙන බැවිනි. මේ හේතුවෙන්, සිදුවූ හානිය පිළිබඳව ඉන්දියාවට යම් වගකීමක් පැවරෙන බව ඔහුගේ ප්රකාශයෙන් ගම්ය වේ.
පුවත් එසැනින් බලන්න අපගේ WhatsApp සමූහය සමගින් එක් වන්න!
