ජූලි මාසයේ තේ, පොල් සහ ඇඟලුම් අපනයන ආදායම පහළට..

2026 ජූලි මාසයේදී ශ්‍රී ලංකාවේ වෙළෙඳ භාණ්ඩ අපනයන ආදායම අමෙරිකානු ඩොලර් මිලියන 1,233.4ක් ලෙස වාර්තා වී තිබේ.

ශ්‍රී ලංකා මහ බැංකුවේ ජූලි මාසයට අදාළ බාහිර අංශ බුලටින් වාර්තාවට අනුව, එය 2025 ජූලි මාසයේ වාර්තා වූ ඩොලර් මිලියන 1,302.2ට සාපේක්ෂව සියයට 5.3ක අඩුවීමකි.

එම මාසයේ කෘෂිකාර්මික අපනයන ආදායම ඩොලර් මිලියන 272.7ක් වූ අතර, 2025 ජූලි මාසයේදී එය ඩොලර් මිලියන 310.1ක් ලෙස වාර්තා වී තිබිණි.

ජූලි මාසයේ තේ අපනයන ආදායම ඩොලර් මිලියන 116.7ක් ලෙස වාර්තා වී ඇති අතර, එය පසුගිය වසරේ එම මාසයට සාපේක්ෂව සියයට 17.2ක අඩුවීමකි.

පොල් අපනයන ආදායම ඩොලර් මිලියන 52.7ක් දක්වා පහළ ගොස් ඇති අතර, එය 2025 ජූලි මාසයට සාපේක්ෂව සියයට 10.9ක අඩුවීමකි.

මේ අතර, කාර්මික අපනයන ආදායමද 2025 ජූලි මාසයේ ඩොලර් මිලියන 984.6 සිට 2026 ජූලි මාසයේදී ඩොලර් මිලියන 958.2ක් දක්වා සියයට 2.7කින් පහළ ගොස් තිබේ.

එම මාසයේ ශ්‍රී ලංකාවේ ප්‍රධාන අපනයන කාණ්ඩයක් වන රෙදිපිළි හා ඇඟලුම් අපනයන ආදායම ඩොලර් මිලියන 439.3ක් ලෙස වාර්තා වී ඇති අතර, එය 2025 ජූලි මාසයට සාපේක්ෂව සියයට 8.7ක අඩුවීමකි.

ජනප්‍රිය පුවත් බාල ගල් අඟුරු සමාගමට දඩ ගැහුවොත් සමාගම බංකොලොත් වෙයි! – ඇමති බිමල්