මිනිස්සු තවත් අන්දන්න හදන්න එපා! සැප මන්දිරේ සේනාධිපතිගේ සල්ලි ද? රාජාංගනේ හිමි ලාල්ගෙන් අසයි!
1 min read
වත්මන් රජයේ කෘෂිකර්ම අමාත්ය ලාල් කාන්තගේ පෞද්ගලික නිවස ගොඩනැගීම සඳහා මුදල් උපයාගත් ආකාරය රටට පැහැදිලි කළ යුතු බව පූජ්ය රාජාංගණයේ සද්ධාරත හිමි අවධාරණය කරයි.
අමාත්යවරයාගේ මෙම නිවස නිශ්ශංක සේනාධිපති විසින් ලබාදුන් එකක් බවට විවිධ පාර්ශ්වයන්ගෙන් චෝදනා එල්ල වන බව පෙන්වා දුන් සද්ධාරත හිමි, අමාත්යවරයා මීට පෙර සිදුකළ ප්රකාශයක් පිළිබඳව ද ප්රශ්න කරයි.
තමන්ට ඇමතුමක් ලබාදුන් සැනින් මිතුරන් සිය දෙනෙකුගෙන් රුපියල් ලක්ෂ පහ බැගින් කෝටි පහක මුදලක් ලබාගත හැකි බවට අමාත්යවරයා කළ ප්රකාශය දැඩි විවේචනයට ලක් කළ එහිමියන්, එම මිතුරන් කවුරුන්ද යන්න හෙළි කළ යුතු බවද පවසයි.
“මිනිස්සු අන්දන්න හදන්න එපා, ඔබතුමා පැහැදිලිවම ඔය ගේ හදාගත්තේ කොහොමද කියලා හෙළි කරන්න” යැයිද අවධාරණය කළේය .
ජනතාව මුලා කිරීමට උත්සාහ කරන පාලකයන්ට අත්වන ඉරණම පිළිබඳව අතීත උදාහරණ පෙන්වා දෙමින් හිමිනම සඳහන් කළේ, තිස් වසරක යුද්ධය ජයග්රහණය කළ රාජපක්ෂවරුන්ට පවා ජනතා විශ්වාසය කඩකිරීම නිසා අවසානයේ සැඟවී සිටීමට සිදු වූ බවයි.
වත්මන් ජනාධිපතිවරයා හෝ අමාත්යවරුන් කෙරෙහි පවතින විශ්වාසය බිඳී ගියහොත් ඔවුන්ට පාරේ බැස යාමට නොහැකි තත්ත්වයක් උදාවනු ඇති බවට ද අනතුරු ඇඟවීය.
තොරතුරු එසැණින් දැනගන්න අපගේ නිල WhatsApp සමූහය සමඟ එක්වන්න
