හෝමූස් යළි අවදානමේ !
1 min read
ඇමෙරිකාව සහ ඉරානය අතර අත්සන් තැබුණු 14-වැදෑරුම් ඓතිහාසික එකඟතා (MOU) ගිවිසුම අර්බුදයකට යමින්, මැදපෙරදිග කලාපය දැඩි රාජ්ය තාන්ත්රික හා ආර්ථික උණුසුමක ගිලී පවතී.
ලෙබනන් සටන්විරාමය උල්ලංඝනය කරමින් ඊශ්රායලය දකුණු ලෙබනනයේ නබටියේ ඇතුළු ප්රදේශවලට දිගින් දිගටම එල්ල කරන ප්රහාරයන්ට (සිවිල් වැසියන් සහ ලෙබනන් හමුදා සෙබළුන් ඇතුළු 30කට අධික පිරිසක් මියයාම) ප්රතිචාරයක් ලෙස, ලෝක බොරතෙල් ප්රවාහනයෙන් 20%ක් පාලනය වන ‘හෝමුස් සමුද්ර සන්ධිය’ වසා දැමූ බව ඉරාන විප්, ලවීය ආරක්ෂක බළකාය නිල වශයෙන් නිවේදනය කළේය.
නමුත් ඇත්තටම හෝමුස් සමුද්ර සන්ධිය වැහිලද? (දෙපාර්ශවයේ ප්රකාශ):
ඇමෙරිකානු මධ්යම අණදෙන මූලස්ථානය (CENTCOM): ඉරානයේ ප්රකාශය සම්පූර්ණයෙන්ම ප්රතික්ෂේප කරන ඇමෙරිකානු CENTCOM බලධාරීන් පවසන්නේ හෝමුස් සමුද්ර සන්ධියේ පාලනය ඉරානය සතු නොවන බවයි. සෙනසුරාදා දිනය තුළ පමණක් තෙල් බැරල් මිලියන 17ක් රැගත් වෙළඳ නෞකා 55ක් ආරක්ෂිතව මෙම මුහුදු සීමාව පසුකර ගිය බව ඔවුන් තහවුරු කරයි.
නෞකා ලුහුබැඳීමේ දත්ත : ජාත්යන්තර මුහුදු ගමන් දත්ත විශ්ලේෂණ (BBC Verify) අනුව පෙනී යන්නේ ඉරාන නිවේදනයත් සමඟ ‘Lumina Ocean’ සහ ‘Abu Dhabi III’ ඇතුළු තෙල් නැව් කිහිපයක් මුහුද මැදදී ආපසු හැරී (U-turn) ඇති නමුත්, තවත් ඉන්ධන ප්රවාහන නෞකා කිහිපයක් සාමාන්ය පරිදි සන්ධිය හරහා ගමන් කර ඇති බවයි.
ට්රම්ප් පාලනයට එල්ල වන පීඩනය සහ ඊශ්රායල අමනාපය:
ගෝලීය ආර්ථික අර්බුදයකින් බේරීම සඳහා ජනාධිපති ඩොනල්ඩ් ට්රම්ප් දැඩි උත්සාහයකින් ඉරානය සමඟ මෙම එකඟතාවයට පැමිණි අතර, වත්මන් තත්ත්වය ට්රම්ප් පාලනයට විශාල ආර්ථික හා දේශපාලන පීඩනයක් එල්ල කර තිබේ. මේ අතර, මෙම ගිවිසුම හරහා ට්රම්ප් විසින් තමන්ව පාවා දුන් බව පවසමින් ඊශ්රායල මාධ්ය සහ දේශපාලනඥයින් ට්රම්ප් පාලනය දැඩි ලෙස විවේචනය කරයි. කෙසේ වෙතත්, ඇමෙරිකාවේ බලපෑම මත දකුණු ලෙබනනයේ ප්රහාර තාවකාලිකව නවත්වන ලෙස ඊශ්රායල අගමැතිවරයා සිය හමුදාවට නියෝග කර ඇති බවද වාර්තා වේ.
හෙට ස්විට්සර්ලන්තයේදී පැවැත්වෙන හදිසි සාකච්ඡා:
පවතින දැඩි අවිශ්වාසය මැද, ගිවිසුම බේරාගැනීම සඳහා වන විශේෂ තාක්ෂණික සාකච්ඡා ඉරිදා (ජූනි 21) ස්විට්සර්ලන්තයේ බර්ගන්ස්ටොක් හිදී ආරම්භ වේ. මේ සඳහා ඇමෙරිකාව වෙනුවෙන් ජැරඩ් කුෂ්නර් සහ ස්ටීව් විට්කොෆ් ද, ඉරානය වෙනුවෙන් කථානායක මොහොමඩ් බගර් ගාලිබෆ් සහ විදේශ අමාත්යවරයා ද සහභාගී වේ. පාකිස්ථාන අග්රාමාත්ය ෂෙහ්බාස් ෂරීෆ් සහ UN හි න්යෂ්ටික නිරීක්ෂණ ආයතනයේ (IAEA) ප්රධානී රෆායෙල් ග්රොසි ද මැදිහත්කරුවන් ලෙස මෙයට එක්වීමට නියමිතය.
